جاس مەدبيكە كەيتلين براسسينگتون كۇندە وزگەنىڭ دەنساۋلىعى ءۇشىن كۇرەسىپ، ءومىرىن ساقتاپ، ءۇمىت سىيلايدى. ارينە كەيتلين بۇل ماماندىقتى ادامدار ونى قاھارمان دەپ ەسەپتەۋى ءۇشىن تاڭداماعانى انىق. الايدا تانىسىنىڭ  ايتقاندارى، كەيتليننىڭ ءوزىن جانە ارىپتەستەرىن كوپشىلىكتىڭ كوزىنشە جاقتاۋىنا ءماجبۇر ەتتى.  

مەن ءقازىر عانا جۇمىستان ۇيگە كەلدىم. ۇستىمدە جۇمىس كيىمى. جولدان دۇكەنگە ءسۇت ساتىپ الۋ ءۇشىن كەلە جاتقانىمدا، تانىسىمدى كەزدەستىردىم. ول بۇعان دەيىن مەنى جۇمىس فورماسىندا كورمەگەن ەدى. تانىسىم ماعان قاراپ، «مەنىڭ جاي عانا مەدبيكە» ەكەنىمدى بىلمەگىنىن ايتتى. مەديسينا سالاسىندا جۇمىس ىستەگەن 18 جىل ۋاقىتتا بۇل ءسوزدى تالاي مارتە ەستىدىم. الايدا وسى جولى جانىما قاتتى باتتى.

مەن سابيلەردىڭ ومىرگە كەلۋىنە كومەكتەستىم. ونىڭ كوبىنە العاشقى دەمىن الۋعا  كومەكتەسۋگە تۋرا كەلدى. وسىدان كەيىن مەن ءجاي عانا مەدبيكەمىن.  

مەن قارت كىسىلەردىڭ ءولىم اۋزىندا ءوزىن جوعالتىپ الماۋى ءۇشىن تالاي مارتە قولىن ۇستاپ تۇردىم.  وسىدان كەيىن مەن ءجاي عانا مەدبيكەمىن.   

مەن بالاسىن جوعالتىپ العان اتا-انالارعا قولداۋ كورسەتتىم. وسىدان كەيىن مەن ءجاي عانا مەدبيكەمىن.  

مەن ادامدارعا العاشقى كومەك كورسەتىپ، ومىرگە قايتا الىپ كەلدىم.  وسىدان كەيىن مەن ءجاي عانا مەدبيكەمىن.  

مەن ادامداردى ەمدەيتىن دارىگەردىڭ كوزى، قۇلاعى جانە قولىمىن. وسىدان كەيىن مەن ءجاي عانا مەدبيكەمىن.

مەن وكپەنىڭ قاي جاعى اۋانى جەتكىلىكتى دەڭگەيدە قابىلداماي جاتقانىن ءبىلۋ ءۇشىن جاڭا تۋىلعان ءسابيدىڭ وكپەسىن تىڭدادىم. وسىدان كەيىن مەن ءجاي عانا مەدبيكەمىن.

مەن ەمدەلۋشى، سانيتار مەن كىشى مەدبيكەلەردى وقىتا الامىن. وسىدان كەيىن مەن ءجاي عانا مەدبيكەمىن.

مەن  ساقتاندىرۋ كومپانيالارىمەن بولاتىن داۋدا ەمدەلۋشىلەردى قورعايمىن. وسىدان كەيىن مەن ءجاي عانا مەدبيكەمىن.

مەن سىزدەردىڭ تۋىستارىنىزدىڭ دەنساۋلىعىنا قامقورلىق كورسەتۋ ءۇشىن روجدەستۆونى، بالالارىمنىڭ تۋعان كۇندەرىن جانە ولاردىڭ مەكتەپ ميۋزيكىلىنداعى قويىلىمدارىنا بارمايمىن.  وسىدان كەيىن مەن ءجاي عانا مەدبيكەمىن.

مەن قان الىپ، جاراقاتتى تىگە الامىن. وسىدان كەيىن مەن ءجاي عانا مەدبيكەمىن.

مەن  ءسابي، كىشكەنتاي بالا نەمەسە ەرەسەك ادام بولسا دا ينفاركت بولعاندا ءومىرىن ساقتاپ قالا الامىن.  وسىدان كەيىن مەن ءجاي عانا مەدبيكەمىن.

بالاڭىزدىڭ سالماعىنا قاراي ادرەنالين نەمەسە اميوداروننىڭ مولشەرىن ايتىپ بەرە الامىن. وسىدان كەيىن مەن ءجاي عانا مەدبيكەمىن.

مەنىڭ ءبىلىمىم مەن تاجىربيەم ادامداردىڭ ءومىرىن ساقتاپ قالادى.

«ەگەر مەن ءجاي عانا مەدبيكە بولسام، مەن مۇنى ماقتان تۇتامىن!» دەيدى اشىنعان كەيتلين براسسينگتون.

دەرەك كوز: timeallnews.ru