«قامشى» پورتالى بۇعان دەيىن الەۋمەتتىك جەلىلەردە تۇركيالىق ەكى ساربازدىڭ ورتەگەن ءساتى كورىنەتىن ۆيدەو تارالعانى تۋرالى جازعان بولاتىن.  

تۇركيا پرەمەر-مينيسترىنىڭ ورىنباسارى دايش لاڭكەستەرىنىڭ ەلدىڭ ەكى اسكەرىن ورتەۋ تۋرالى 19 مينۋتتىق ۆيدەونى جالعان دەپ اتادى.

ParsToday تاراتقان مالىمەت بويىنشا، تۇركيا پرەمەر-مينيسترىنىڭ ورىنباسارى نۋمان كۋرتۋلمۋش: «بۇل ۆيدەو  قاۋەسەت تاراتۋ ارقىلى تۇرىكتەردى السىرەتۋدى ماقسات ەتكەن. كورسەتىلگەن بەينەماتەريال راستالمايدى»،- دەپ مالىمدەدى.

كۋرتۋلمۋش سونىەن بىرگە دايش لاڭكەستىك توبىنىڭ الەۋمەتتىك جەلىلەر ارقىلى ۇرەي تۋدىرۋ ارەكەتتەرىن قاتاڭ ايىپتادى.

بۇدان بۇرىن حالىقارالىق لاڭكەستىك ورگانداردى زەرتتەيتىن ۇيىم تۆيتتەردەگى پاراقشاسىندا دايش تاكفىرشىل لاڭكەستىك توبىنىڭ تۇركيانىڭ ەكى اسكەريىن ورتەگەنى تۋرالى  بەينەماتەريالدىڭ تاراتىلعانى تۋرالى حابارلاعان بولاتىن.

وسى مالىمەتتەرگە سايكەس تۇركيانىڭ ەكى اسكەريى شامامەن ەكى اپتا بۇرىن ءال-باب  ايماعىندا دايش لاڭكەستىك توبىنىڭ تۇتقىنىنا تۇسكەن. دايش-تىڭ سيريادا ەكى تۇرىك اسكەريىن ورتەۋى تۋرالى ۆيدەو تاراتىلعان سوڭ تۇركيا باسشىلارى ەلدە الەۋمەتتىك جەلىلەردى جاپتى.