رەسەيدىڭ داماسك قالاسىنداعى ەلشىلىگىنە شابۋىل جاسالدى، - دەپ حابارلايدى «قامشى» پورتالى رف ءسىم اقپارات جانە باسپا ءسوز دەپارتامەنتىنە سىلتەمە جاساپ. 

28 جەلتوقساندا كۇندىزگى ۋاقىتتا رەسەيدىڭ سيرياداعى ەلشىلىگىنىڭ تەرريتورياسىنا ەكى جارىلعىش زات تۇسكەن. جارىلعىش زاتپەن شابۋىل ماسكەۋ ۋاقىتىمەن 13:00 جانە  13:19 ساعاتتارىندا جاسالعان. جارىلماعان مينانى زالالسىزداندىرۋعا ساپەرلەر كەلگەن. «جارىلماي قالعان ءبىر مينا رەسەيلىك ديپميسسيانىڭ اكىمشىلىك عيماراتىنىڭ اۋلاسىنا تۇسكەن. ەكىنشىسى ونىڭ ماڭىنا تۇسكەن»، - دەلىنگەن رف ءسىم حابارلاماسىندا.

«رەسەيدىڭ داماسك قالاسىنداعى ديپميسسياسىنا جاسالعان شابۋىلعا باعا بەرىلىپ، تەرروريزم قاتەرىنە قارسى تۇراتىنداردىڭ تاراپىنان قاتاڭ ايىپتالۋى كەرەك»، - دەپ ەسەپتەيدى ءسىم.

ايتا كەتەر بولساق، وسىدان 10 كۇن بۇرىن، 19 جەلتوقساندا رەسەيدىڭ تۇركياداعى ەلشىسىن اتىپ كەتكەن ەدى. ال، وسى شامداعى ەلشىلىككە قازان ايىندا دا مينومەتپەن وق جاۋدىرىپ كەتكەن بولاتىن.

ال، كەشە عانا رەسەي مەن تۇركيا سيرياداعى شيەلەنىستى توقتاتۋ تۋرالى بىتىمگە كەلگەن بولاتىن.