ۇقك «ات-تاكفير ءۋال-حيدجرا» دىني-ەكسترەميستىك ۇيىمىنىڭ 33 مۇشەسىن قالاي ۇستاعاندارىن ايتىپ بەردى، - دەپ حابارلايدى Tengrinews.kz

«ۇلتتىق قاۋىپسىزدىك كوميتەتى مەن ىشكى ىستەر ورگاندارى جۇرگىزگەن ءىس-شارالاردىڭ ناتيجەسىندە «ات-تاكفير ءۋال-حيدجرا» دىني-ەكسترەميستىك ۇيىمىنىڭ قازاقستاندىق 33 مۇشەسى ۇستالدى. ولاردىڭ 14ء-ى - الماتىدا، تاعى 14ء-ى - الماتى وبلىسىندا، اقتوبەدە - 2 جانە اتىراۋدا - 3. ۇستالعانداردىڭ بارلىعى - قازاقستان رەسپۋبليكاسىنىڭ ازاماتتارى. ولاردىڭ اراسىندا ايەلدەر جوق»، - دەلىنگەن ۇقك وكىلدەرىنىڭ رەداكسيا جولداعان ساۋالعا بەرگەن جاۋابىندا.

سونداي-اق، ۇستالعانداردىڭ تۇراتىن جانە جينالاتىن مەكەنجايلارى بويىنشا جۇرگىزىلگەن ءتىنتۋ بارىسىندا ءدىني ماتەريالدار، كومپاكت-ديسكتەر، كومپيۋتەرلىك تەحنيكا جانە ۇلكەن سومادا اقشا تابىلىپ، تاركىلەگەنى ايتىلادى. 

ۇقك مالىمەتىنشە، ولار ەكسترەميستىك يدەولوگيانى زاڭسىز تۇردە ناسيحاتتاپ، ادامداردى رەسپۋبليكا اۋماعىندا تەوكراتيالىق مەملەكەت قۇرۋعا شاقىرعان. دىني-ەكسترەميستىك ۇيىمنىڭ قازاقستانداعى ۇياشىقتارىن شەتەلدەن باسقارىپ وتىرعان.

«ۇستالعاندارعا قاتىستى دەرەك ق ر قىلمىستىق كودەكسىنىڭ 405-بابىنىڭ 2-بولىگى بويىنشا جانە 174-باپتىڭ 2-بولىگى بويىنشا ءبىرىڭعاي تەرگەۋ رەەسترىنە تىركەلدى. ەكسترەميستىك ۇيىمداعى مۇشەلەردىڭ باسىم بولىگى - الماتى، اتىراۋ جانە ماڭعىستاۋ وبلىسىنىڭ تۋمالارى»، - دەدى ۇقك وكىلدەرى.

الايدا ۇلتتىق قاۋىپسىزدىك كوميتەتىندەگىلەردە ۇستالعانداردىڭ سيرياعا نەمەسە يراككا كەتۋگە جوسپارى بولعانى جايلى مالىمەت جوق. ءبىراق ۆەدومستۆو مالىمەتىنشە، ولار سيريا مەن يراك ەلدەرىندەگى تەرروريستەردىڭ ارەكەتىن قولدايتىنى جايلى ايتىپ جۇرگەن.

«ات-تاكفير ءۋال-حيدجرا» ۇيىمى زايىرلى مەملەكەتتىك بيلىك فورماسى مەن كونستيتۋسيالىق قۇرىلىمدى مويىندامايدى. ولاردىڭ قازاقستانداعى ماقساتى - تەوكراتيالىق مەملەكەت (حاليفاتتى) قۇرۋ»، - دەدى ۇقك وكىلدەرى.

ەسكە سالايىق، 21 جەلتوقساندا ۇقك الماتى مەن قازاقستاننىڭ ءۇش وبلىسىندا ەلىمىزدىڭ اۋماعىنداعى "ات-تاكفير ءۋال-حيدجرا" دىني-ەكسترەميستىك ۇيىمىن زالالسىزداندىرۋ ماقساتىندا ارنايى وپەراسيانى باستاعان بولاتىن. ءدىني ارازدىقتىقتى تۋدىردى دەگەن كۇدىكپەن ەلىمىزدە تىيىم سالىنعان ۇيىمنىڭ 16 ادامى ۇستالىپ، ۇلتتىق قاۋىپسىزدىك كوميتەتىنىڭ اۋماقتىق ورگاندارىنا جەتكىزىلگەن.

ال 23 جەلتوقساندا ۇقك ارنايى وپەراسيا كەزىندە 33 ادامدى ۇستاعانى حابارلانعان بولاتىن. "ىشكى ىستەر ورگاندارى بولىمشەلەرىمەن بىرلەسە ءدىني الاۋىزدىقتى قوزدىردى جانە اتالعان ۇيىمنىڭ ىس-ارەكەتىنە قاتىستى دەگەن كۇدىكپەن بارلىعى 33 ادام ۇستالدى"، - دەلىنگەن ەدى ۇقك حابارلاماسىندا. 

ايتا كەتەر بولساق، تاسماعامبەتوۆ 15 مىڭداي وتانداسىمىزدىڭ جات اعىم جەتەگىندە جۇرگەنىن ايتىپ، دابىل قاققان ەدى.