تۇركياداعى رەسەي ەلشىسىنىڭ ولىمىنەن كەيىن ەلشىگە بايلانىستى جاڭالىق كورسەك شوشيتىن بولدىق. ەلشىنىڭ حابارسىز كەتكەندىگى جايلى اقپاراتتى ونىڭ جۇبايى حابارلاپ ايتقان بولاتىن. ءاميريديستىڭ ايەلى قانشا كۇننەن بەرى كۇيەۋىنىڭ تەلەفونعا جاۋاپ بەرمەي جاتقانىنا قاتتى الاڭداۋلى دەپ حابارلايدى "قامشى" پورتالى.
برازيلياداعى گرەكيا ەلشىسى كيرياكوس اميريديس ريو-دە-جانەيروعا روجدەستۆولىق دەمالىسىن وتكىزۋگە كەلىپتى. ونى سوڭعى رەت جەلتوقساننىڭ 26-ى كۇنى كورىپتى، ول سول كۇنى ءوزىنىڭ سوڭعى sms حاتىن جىبەرگەن دەپ مالىمدەيدى Globo تەلەارناسى. دەمالىسى جوسپار بويىنشا 9 قاڭتاردا اياقتالۋى كەرەك ەدى.
ديپلوماتتىڭ ماسەلەسىمەن بۇگىنگى تاڭدا جەرگىلىكتى پوليسيا، كىسى ءولتىرۋ ءىسىن زەرتتەيتىن ءبولىم اينالىسىپ جاتىر. جەرگىلىكتى بيلىك بولسا كومەكتى قاراپايىم حالىقتان سۇراۋدا. گرەكيا ەلشىلىگى بۇل جونىندە ەشقانداي مالىمدەمە جاساماي وتىر.
كيرياكوس اميريديس ەلشىلىك قىزمەتىنە 2016 جىلدىڭ قاڭتارىندا كىرىسىپتى. 2001 مەن 2004 جىلدار ارالىعىندا ول ريوداعى گرەكيانىڭ باس كونسۋلى لاۋازىمىن اتقارعان.
پىكىر قالدىرۋ