ونىڭ ەسىمى دە، اتا-اناسى دا، ءتىپتى ءوزى دە جوق دەۋگە بولادى. ول ەشتەڭەگە قاراماستان ءتىرى قالعان تاستاندى بالا. بۇل كىپ-كىشكەنتاي ءتىرى جاننىڭ سالماعى نەبارى 940 گرامم. ول تاعى 3 ايدان كەم ەمەس ۋاقىتتا انا قۇرساعىندا بولۋى كەرەك ەدى. الايدا 14 اپتا بولعان بالاسىن ءتۇسىرۋ ءۇشىن 25 جاسار قىز جۇڭگو دارىلەرىن ىشە باستاعان.  

بالاسى ىشىندە قيمىلداعاننىڭ وزىندە ونى ۋلاۋىن توقتاتپادى. 26 اپتادا ۇرىق اناسىنان، ونىڭ اعزاسىنان الىنىپ تاستالدى. وعان قاراماستان ول ءتىرى قالدى. بالانىڭ ومىرلىك ماڭىزى بار مۇشەلەرى ءالى جەتىلمەگەن. سوندىقتان ونىڭ ءومىرى تولىقتاي  پلاستيكالىق كيۋۆەزگە تاۋەلدى. كۇردەلى مەديسينالىق اپپارات كىشكەنتاي اعزانى اۋامەن تولتىرىپ، توڭىپ قالماۋىن قامتاماسىز ەتىپ وتىر. ءسابي وزدىگىنەن جۇتىنا المايدى. سوندىقتان مەدبيكەلەر بالا شاشالىپ قالماۋى ءۇشىن كاتەتەرمەن ودان ارتىق سۋدى سورىپ الىپ وتىر. بالانىڭ دۇنيە ەسىگىن اشقانىنا 7 كۇن بولدى. ەندى تاعى ءبىر تاۋلىكتى امان-ەسەن وتكەرسە ونى «بالا» ساناتىنا جاتقىزۋعا بولادى. ياعني سابيگە ات قويىلىپ، تۋۋ تۋرالى كۋالىك بەرىلەدى. رەانيماسيا ءبولىمىنىڭ مەڭگەرۋشىسى ەكاتەريانا فەدچەنكو ءسابيدى بىرنەشە اي بويى ۋلاسادا دامۋىندا ەشقانداي كىنارات جوق ەكەنىن ايتادى. ول تاۋلىك بويى مەديسينا قىزمەتكەرلەرىنىڭ باقىلاۋىندا. ونىڭ اناسى ۇرىق الىنىپ تاستالعاننان كەيىن، اۋرۋحانادان قاشىپ كەتكەن. ول قۇجات تۇرىندە بالادان باس تارتپادى. سوندىقتان ونى ەشكىم اسىراپ الا المايدى. ناتيجەسىندە ۇل بالا كامەلەت جاسقا تولعانشا بالالار ۇيىندە بولادى.

ماتەريال الەۋمەتتىك جەلىدەن الىندى