قىتايتىڭ تايۋن قالاسىنىڭ ورتالىعىندا شانسي ايماعىندا اقش-تىڭ پرەزيدەنتى دونالد ترامپتىن اينىمايتىن التىن ايدارلى، قاباعىن شىتىپ تۇرعان تاۋىق ءمۇسىنىن جاساعان دەپ حابارلايدى lenta.ru، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

ءمۇسىندى جەرگىلىكتى ساۋدا ورتالىعىنا قاراستى ءبىر كومپانيانىڭ تاپسىرىسىمەن سالعان. N1 ArtWalk Mall  ۇيىمداستىرۋ ورتالىعىنىڭ باسشىسى ساو مينليان تىلشىلەرگە «2017 جىل تاۋىق جىلى بولعاندىقتان،  بۇل ءمۇسىن كەلەر جىلدىڭ ارنايى بەلگىسىنە اينالادى» دەپ ءتۇسىندىردى.

ينتەرنەت جەلىسىندە اتالمىش ءمۇسىننىڭ كوشىرمەلەرى ساتىلۋدا. دونالد ترامپتىڭ شاش ۇلگىسىمەن جاسالعان ءمۇسىننىڭ كىشكەنتاي ءتۇرىن 57 دوللارعا ساتىپ الۋعا بولادى، ال 1739 دوللارعا ونىڭ ۇلكەن 10 مەترلىك ءمۇسىنىن يەلەنۋگە بولادى.

مۇنداي تاۋىق ءمۇسىنىن ساتۋمەن اينالىساتىن كومپانيالاردىڭ بىرىندەگى كاسىپكەر ۆەي سين بۇل تاۋىقتىڭ كۇلكىلى كورىنەتىندىگىن ايتتى. «مەنىڭشە، وتە ادەمى ءارى كۇلكىلى تاۋىق. قاسى مەن شاش ۇلگىسى اقش-تىڭ پەرزيدەنتى دونالد ترامپتان اينىمايدى. بۇل ءمۇسىن ساتىپ الۋشىلاردى قىزىقتىراتىنىنا سەنىمدىمىن»، - دەدى ول.

قاراشا ايىندا حانچجوۋ قالاسىنداعى سافاري-پاركىندەگى التىن ءتۇستى قىرعاۋىلدىڭ ترامپا ۇقساس ەكەندىگىن بايقاعان كەزدە جۇرتشىلىققا تانىلا باستاعان.