ۋكراينانىڭ ۇلتتىق قاۋىپسىزدىك جانە قورعانىس كەڭەسى بەيسەنبى كۇنى رەسەيدىڭ رەسمي تۇلعالارىنا قاتىستى جاڭا سانكسيا سالۋ تۋرالى قاۋلى شىعاردى دەپ حابارلايدى bbc.com.

ۇققك باسپا ءسوز مالىمدەمەسىندە «باسىپ الىنعان قىرىم اۆتانوميالى رەسپۋبليكاسى مەن سيەۆاستوپول قالاسىندا رەسەيدىڭ مەملەكەتتىك دۋماسىنا زاڭسىز سايلانعاندارعا قارسى سانكسيا سالىندى. دالىرەك ايتساق، رەسەي زاڭى بويىنشا زاڭسىز قايتا تىركەلگەن قىرىمداعى ۋكرايندىق سايلاۋ كوميسسياسىنىڭ مۇشەلەرىنە» دەپ كورسەتىلگەن.  

ۇلتتىق قاۋىپسىزدىك جانە قورعانىس كەڭەسىنىڭ شەشىمىندە ناقتى ادامداردىڭ ءاتى-جونى كەلتىرىلمەيدى. الايدا جاڭا سانكسيا سالىنعان ادامداردىڭ ساناتى ايتىلادى.

سانكسيا رەسەيدە ۋكراينا ازاماتتارىن زاڭسىز ۇستاۋعا قاتىسى بار سوت پەن قۇقىققورعاۋ ورگاندارىنا سالىنادى.

شەت ەلگە قاشىپ كەتىپ، ىزدەستىرىلىپ جاتقان ۋكراينانىڭ بۇرىڭعى باسشىلارى جونىندە بولەك ايتىلادى. رەسەيدىڭ ۋكرايناعا قارسى اگرەسسياسىنا باعىتتالعان تەرروريستىك ارەكەتتەردى قارجىلاندىردى دەگەن ايىپپەن ۇققك ولارعا قارسى سانكسيا سالدى.

قىركۇيەك ايىندا ۋكراينانىڭ جوعارى راداسى قىرىمدا وتكەن سايلاۋدى زاڭسىز دەپ تاپتى.