15 جاسار بەيتانىس قىزدىڭ تۋعان كۇنىن اتاپ وتۋگە مىڭداعان ادام مەكسيكا شتاتى سان-لۋيس-پوتوسيعا اعىلدى. تۋعان كۇنگە شاقىرۋ تۋرالى اقپارات حالىق اراسىندا تەز تارالىپ كەتتى. شاقىرۋدا قوناقتارعا - تەگىن تاعام بەرىلىپ، جاندى مۋزىكا ويناپ، بايگە ۇيىمداستىرىلاتىنىن ايتقان. جەڭىمپازعا 10 مىڭ پەسو (500 دوللارعا جۋىق)  بەرۋگە ۋادە ەتىلدى.

شاقىرۋ تۋرالى جارتى مەكسيكا ءبىلدى. عالامتوردا ونى 800 مىڭعا جۋىق ادام كورگەن. ءرۋبيدىڭ تۋعان كۇنى تۋرالى تەلەارنالاردا دا ايتىلا باستادى. مەكسيكاندىق اكتەر گاەل گارسيا بەرنال شاقىرۋعا پاروديا جاسادى. بەلگىلى مۋزىكانتتار لارري ەرناندەس پەن ەل كوماندەر مەركەگە بارعىسى كەلەتىنىن ايتقان.

Uber تاكسيلەرگە ءرۋبيدىڭ ەسىمى بار پروموكودتى قولدانعاندارعا جەڭىلدىك ەنگىزگەن. Interjet اۋەكومپانياسى «ءرۋبيدىڭ تۋعان كۇنىنە ۇشاقپەن ۇشىپ بارىڭدار» دەگەن ۇران ويلاپ تاپتى.

Facebook-تە مەرەكەگە 1،2 ميلليون ادام جازىلعان. ونىڭ مىڭى ۋادەسىندە تۇرىپ ءرۋبيدىڭ تۋعان كۇنىنە قاتىسقان. قىزدىڭ وتباسى قوناقتارعا ارناپ ونداعان ۇستەل جايىپ، پالاتكالار قۇردى. تۋعان كۇن يەسى قۇتتىقتاپ كەلگەندەردى ءوزى قارسى الدى.

ءرۋبيدىڭ اكەسى ءبىر سۇحباتىندا تۋعان كۇنگە شاقىرۋ نەلىكتەن حالىق اراسىندا قىزۋ تالقىلانعانىن تۇسىنبەيتىنىن ايتقان. ول بەينەجازبانى تەك دوستارى مەن كورشىلەرى عانا كورەدى دەپ ويلاعان.

2011 جىلى اۋستراليالىق وقۋشى Facebook پاراقشاسىندا تۋعان كۇنىنە شاقىرۋ جازعان. 200 مىڭعا جۋىق ادام كەلۋگە ۋادە بەرگەنىن بىلگەندە شاقىرۋدى ءوشىرىپ، پوليسياعا بارعان.

دەرەك كوز: lenta.ru