informburo.kz 2016 جىلدا قازاقستاندىقتاردىڭ ءۇمىتىن اقتاي الماي، داۋ-دامايعا ىلىككەن ادامداردىڭ ءتىزىمىن جاسادى، مالىمەتتىڭ قازاقشا نۇسقاسىن «قامشى» پورتالى وقىرمان نازارىنا ۇسىنادى.

وليمپيادا داۋلارى

بيىلعى جىلى بارشا جۇرتشىلىقتىڭ نازارىنا ىلىگىپ، سپورت جاناشىرلارىنىڭ كوڭىلىن قالدىرعان ءجايت – ەلىمىزدىڭ وليمپيادا جۇلدەگەرلەرىنىڭ العان مەدالدارىنان قاعىلعاندىعى.

حالىقارالىق وليمپيادا كوميتەتى قازاقستاندىق سپورتشىلاردىڭ 14 مەدالىن دوپينگ قولداندى دەگەن ايىپپەن تارتىپ الدى.

اۋىر اتلەتيكا بويىنشا وليمپيادا چەمپيونى اتاعىن 2016 جىلى  ريو-دە-جانەيروداعى وليمپيادادا جەڭىسكە جەتكەن نيدجات راگيموۆ قانا ساقتاپ قالدى.

23 قاراشادا بەلگىلى بولعانداي، حوق  بەيجىڭ مەن لوندون وليمپياداسىندا جەڭىسكە جەتكەن يليا ءيليندى ەكى التىن مەدالىنان ايىرعان. اۋىر اتلەت سپورتشىسى ءوز جۇلدەلەرىن قايتارۋعا كەلىسكەن.

بىرنەشە اي بۇرىن حالىقارالىق وليمپيادا كوميتەتى سۆەتلانا پودوبەدوۆا، مايا مانەزا جانە زۋلفيا چينشانلونىڭ جەڭىستەرىن دە جوققا شىعارعان، ولاردىڭ دا سەبەبى – دوپينگ.

ەكسپو باسقا قىرىنان

حالىقارالىق ەكسپو كورمەسىنىڭ اشىلۋى استانا قالاسىندا 2017 جىلدىڭ جازىنا جوسپارلانىپ وتىر. فانتاستيكالىق تۋىندىنىڭ ورتالىعى – ۇلكەن اينەك شار. الايدا، ەكسپو-نىڭ اينالاسىندا شىققان داۋ-دامايلاردىڭ كەسىرىنەن حالىق  مۇنداي كەرەمەت تۋىندىعا تامسانا المايدى.

«استانا ەكسپو-2017» اق كورمەسىنىڭ باسشىسى تالعات ەرمەگيايەۆ 14 جىلعا باس بوستاندىعىنان ايىرىلدى. سوت، سونىمەن قاتار، ونى «قۇرمەت» وردەنىنە لايىقسىز دەپ تاپتى. تالعات ەرمەگيايەۆتى 10،4 ملرد تەڭگە جىمقىرىپ، ونىڭ 4،2 ملرد تەڭگەسىن ءوز قالتاسىنا باستى  دەپ ايىپتاعان.

ءمۇعالىمنىڭ ءىسى

قاراعاندىداعى يۋري پاك اتتى فيزيكا ءپانى مۇعالىمىمەن بولعان ءجايت بۇكىل ەلدى دۇرلىكتىردى. قازاقستاندىقتار قىلمىسكەر بولىپ سوت زالىندا وتىرىپ تەرروريست دەپ ايىپتالعان ينتەلليگەنتتى، سابىرلى ەركەك جايلى جاڭالىقتاردىڭ ءبىرىن دە وتكىزبەي كورگەن. حالىق ونى كىناسىز دەپ ويلاعان. الايدا، سوت وتىرىسىندا يۋريي پاكتىڭ 2015 جىلدىڭ 14 ساۋىرىندە قاراعاندىداعى ءواد مەكەمەسىنە «مينا» قويعاندىعىن انىقتالدى. ونىڭ تەلەفونىنان قوڭىراۋ شالىنىپ، ءبىر ەركەكتىڭ بومبانى جارۋ نيەتى بار ەكەندىگىن ايتقان. قاراعاندىلىق ءمۇعالىمدى ەكى جىلعا باس بوستاندىعىنان ايىرعان.

سپورتتاعى ءجايت

قازاقستاندىقتاردىڭ كوڭىلىن تۇسىرگەن جاعدايدىڭ ءبىرى – ۆاسيليي ليەۆيت اتتى بوكسەردىڭ وليمپيادا چەمپيونى اتا الماي قالعاندىعى. رەسەيلىك سپورتشى ەۆگەنيي تيششەنكو مەن قازاقستاندىق ۆاسيليي ليەۆيتپەن بولعان جەكپە-جەكتىڭ قورىتىندىسى 3:0 ەسەبىمەن رەسەي بوكسەرىنىڭ جەڭىسىمەن اياقتالعان. الايدا، بۇل ناتيجە  قازاقستاندىق بوكسەردىڭ دە، رەسەيلىك بوكس جاناشىرلارىنىڭ دا جاعاسىن ۇستاتتى. ەكى ەلدىڭ جاناشىرلارى دا ليەۆيتتى سوتتادى دەپ شەشىم شىعارعان.

ءشاحتورلار وقيعاسى

«ارسەلور ميتتال تەمىرتاۋ» باسشىلىعى 2016 جىلدىڭ باسىندا-اق جالاقى ماسەلەسىن ايتىپ  ءشاحتورلاردىڭ كوڭىلىن قالدىرعان بولاتىن. قاڭتار ايىنىڭ سوڭىندا تەمىرتاۋ مەتتالۋرگيالىق كومبيناتىنى ءشاحتورلارى «ارسەلور ميتتال تەمىرتاۋ» اق-نىڭ باس ديرەكتورى ۆيدجاي ماحاديەۆادان حات العان. ءوز سوزىندە كومبينات باسشىسى جۇمىس قورىتىندىسى جايلى مالىمدەپ، جۇمىسشىلارعا جالاقىنى تولىقتاي تولەي المايتىندىعىن جەتكىزگەن.

دورەكى ءسوز

قاپشاعايدىڭ ەكس-اكىمى دورەكى سوزىمەن حالىقتىڭ، ناقتىراق ايتقاندا، حالىق كوشباسشىسىنىڭ بىرەۋىنىڭ كوڭىلىن قالدىردى. تۇرعىندارمەن بىرگە ساتجان كاكىموۆپەن كەزدەسۋگە كەلگەن ءبىر جاس جىگىت اكىمنىڭ تاراپىنان وزىنە ايتىلعان دورەكى سوزدەن كوڭىلى قالعان، اسىرەسە، وعان «سەن» دەپ سويلەگەنى ۇناماي قالىپتى. جاس جىگىت اكىممەن بولعان اڭگىمەنى ۆيدەوعا ءتۇسىرىپ، الەۋمەتتىك جەلىلەرگە تاراتىپ جىبەرگەن. بۇل جاعداي اكىمنىڭ قىزمەتىنە ايتارلىقتاي كەسىرىن تيگىزىپ، 27 قىركۇيەك كۇنى ساتجان كاكىموۆ لاۋازىمىنان ايىرىلعان.

تىم جىلدام جەڭىس

ەشقاشان جەڭىلمەيتىن بوكس كۋميرى گەناديي گولوۆكيننىڭ ءوزى كەلەر جىلدا قازاقستاندىقتاردىڭ سەنىمىن اقتاي الماۋى مۇمكىن ەكەندىگىن ايتقان.

ەلىمىزدەگى بوكس جانكۇيەرلەرى گەنناديي مەن دومينيك ۋەيدتىڭ جەكپە-جەگىن ءۇش اي بويى كۇتىپ، وتىنداسىمىزدىڭ جەكپە-جەكتە تىم جىلدام جەڭىسكە جەتكەندىگى حالىقتىڭ كوڭىلىن ءتۇسىردى. گولوۆكين العاشكى سەكۋندتاردا-اق امەريكاندىق بوكسشىنى «ولتىرە» باستاعان، ەكىنشى راۋندتىڭ جارتىسىنا جەتپەي قارسىلاسى ءۇشىنشى  رەت نوكاۋدقا ءتۇستى. دومينيك ۋەيد ءارى قاراي جەكپە-جەكتى جالعاستىرعىسى كەلمەي، سول جەردەن قايتتى. بۇل ارەكەتىمەن امەريكاندىق سپورتشى اقشا تولەپ وتىرعان وتانداستىرىنىڭعان ەمەس، سونىمەن قاتار بارشا بوكس الەمىندەگى ادامداردىڭ كوڭىلىن قالدىردى.

سۇلۋ قىزداردىڭ  ءبىلىم دەڭگەيى

«ميسس قازاقستان-2016» بايقاۋىنىڭ قاتىسۋشىلارى ءادىل قازىلار القاسىن وزدەرىنىڭ ءبىلىم دەڭگەيلەرىن كورسەتىپ، كوڭىلىن قالدىردى. مىسالى، الماتى قالاسىنىڭ قاتىسۋشىسى ءلۇلجان داۆلەتوۆا ءوز وتباسىنان بويىنا ءسىڭىرۋى ءتيىس كەيبىر قازاقتىڭ ۇلتتىق  داستۇرلەرى جايلى سۇراققا ماردىمدى جاۋاپ بەرە المادى.

«25 مامىر كۇنى ءبىز وتباسىمىزبەن ۇنەمى اتتراكسيوندار ساياباعىنا باراتىنبىز نەمەسە بۇل كۇنى بارلىعىمىز بىرگە بولاتىنبىز. اتا-انام جۇمىسباستى ادامدار بولعانىنا قاراماستان بارلىق بوس ۋاقىتتارىن ماعان ارنايتىن. بولاشاقتا مۇنداي ماحابباتتى مەن دە ءوز بالالارىما بەرگىم كەلەدى»، - دەپ جاۋاپ بەردى.

جۇرگىزۋشى دينارا ساتجان قىزدى دۇرىس باعىتقا بۇرعىسى كەلىپ ەدى، الايدا ونىڭ قولىنان كەلمەدى.

كەلەر جىلدان كوپ جاڭالىق كۇتەمىز، الايدا كوڭىلگە تيەرلىك ىس-ارەكەتتەر از بولادى دەپ سەنەمىز.

اۋدارعان: نازەركە لابيحان