جينالىستا بىرنەشە سەكۋندقا كوزىن جۇمعان ادامدى جاۋاپقا تارتۋعا بولمايدى. قالا اكىمى ءىلياس ەسپانوۆ پەن اقتوبەدەگى باسقا دا مەملەكەتتىك قىزمەتكەرلەردىڭ ۇيىقتاپ قالۋىنا قاتىستى مەملەكەتتىك قىزمەت ءىسى بويىنشا دەپارتامەنت باسشىسى قايىرجان توقىشيەۆ پىكىر ءبىلدىردى دەپ حابارلايدى "دياپازون". 

«ادامنىڭ ۇيىقتاپ قالعانىن دالەلدەۋ قيىن. ول ءۇشىن بىرنەشە كۋاگەر كەرەك. ەگەر بەينەجازبا بولسا، بىزگە جىبەرسىن. زەرتتەپ كورەيىك» دەيدى قايىرجان توقىشيەۆ.

رەسمي ءىس-شارالاردا ۇيىقتاپ قالعان شەنەۋنىكتەرگە جازا نەمەسە سانكسيا قاراستىرىلماعان. «ادەپ كودەكسىن جاساعاندا ۇيقى تۋرالى پۋنكت ەنگىزىلمەگەن. نەگە ەكەنىن بىلمەيمىن. بالكىم ەشكىم ۇيىقتامايدى دەگەن بولار. قالاي بولعاندا دا ول مەملەكەتتىك قىزمەتكەردىڭ بەدەلىن تۇسىرەدى. ول نەلىكتەن جينالىستا وتىر؟ تاپسىرما الۋ ءۇشىن ەمەس پە؟ ياعني ول مەملەكەتتىك جانە ەڭبەك ءتارتىبىن ساقتاۋى ءتيىس. ول تاسقا تاڭبا باسقانداي جازىلعان. سوندىقتان ءبىز ونى تالاپ ەتەمىز. ءبىراق ادام بىرنەشە سەكۋندقا كوزىن جۇمعانىنا قاتتى ءمان بەرۋدىڭ قاجەت جوق. ال ادام كوپ جۇمىس بولعاندا شارشاۋى ابدەن مۇمكىن» دەي وتىرا اقتوبە قالاسىنىڭ جۋرناليستەرىن باسشىلار مەن قاتارداعى مەملەكەتتىك قىزمەتكەرلەردى تاربيەلەۋدەگى ومىرلىك بەلسەندى ۇستانىمى ءۇشىن العىسىن ءبىلدىردى.

2017-2021 جىلدارداعى مەملەكەتتىك باعدارلامالاردىڭ تۇجىرىمدامالارىن ءتۇسىندىرۋ جينالىسىندا ۇيقىمەن ارپالىسقان اقتوبە اكىمى ءىلياس ەسپانوۆتى ۆيدەوعا ءتۇسىرىپ العان. جيىنعا اقتوبە، اتىراۋ، ماڭعىستاۋ جانە باتىس قازاقستان وبلىسىنىڭ اكىمدەرى قاتىستى.