دانيادا وڭتۇستىك كورەيا پرەزيدەنتىنىڭ قىزى پاك كىن حەنىڭ جاقىن قۇربىسى چحۆە سۋن ءسيلدىڭ قىزى چۋن يۋ را ۇستالدى دەپ حابارلايدى euronews.com.
چۋن يۋ را – بەلگىلى جاس سپورتشى قىز. ول ات سپورتىمەن اينالىسادى. چۋن يۋ را اناسىنىڭ استىرتىن ارەكەتىنە قاتىسى بولۋى مۇمكىن. سوندىقتان پروكۋرور قىزدى جەدەل ەلگە الىپ كەلۋىن تالاپ ەتىپ وتىر.
«ءبىز چۋن يۋ رانىڭ جەدەل تۇردە ەلگە الىپ كەلىنۋىن سىرتى ىستەر مينيسترلىگىنەن سۇراپ وتىرمىز. ءقازىر چۋن يۋ رامەن ەلشىلىك جانە دانيانىڭ ءسىم ارقىلى بايلانىسقا شىقپاقپىز» دەيدى پروكۋروردىڭ وكىلى لي كيۋ چيۋل.
چحۆە سۋن سيل ءقازىر قاماۋدا. وعان پارا الدى، قىزمەتىن اسىرا پايدالاندى جانە بوپسالاۋ ايىپتارى تاعىلىپ وتىر.
اتالمىش ىسكە بايلانىستى داۋدامايدىڭ ءبىر ۇشى رەسپۋبليكا پرەزيدەنتىنە دە ءتيدى. وعان قۇربىسىنىڭ ارەكەتىن جاسىرىپ كەلدى دەگەن ايىپ تاعىلىپ وتىر. ءقازىر پاك كىن حە يمپيچمەنت بويىنشا پارلامەنت سايلاۋىنداعى داۋىس بەرۋ ناتيجەسىن كونستيتۋسيالىق سوت بەكىتكەنشە، ۋاقىتشا ءوز قىزمەتىنەن الاستاتىلدى.