شاحتينسك قالاسىنىڭ ماڭىنداعى شاحان اۋىلىندا قۇلاعان كوپ قاباتتى ءۇيدىڭ تۇرعىندارىنا ماتەريالدىق كومەك كورسەتىلەتىن بولدى. بۇل تۋرالى قاراعاندى وبلىسى اكىمدىگىنىڭ باسپا ءسوز قىزمەتى حابارلادى.

«قازىرگى تاڭدا اپاتتىڭ ورىن الۋ سەبەبىن انىقتاۋ جانە سالدارىن جويۋ، سونىمەن قاتار، بيۋدجەتتەن زارداپ شەككەن وتباسىلارعا قارجىلاي كومەك كورسەتۋ ماقساتىندا ارنايى كوميسسيا قۇرىلعان. اپاتتا قايتىس بولعانداردىڭ وتباسىنا  ميلليون تەڭگەدەن جانە جاراقات العاندارعا 500 مىڭ تەڭگەدەن   ماتەريالدىق كومەك كورسەتۋ، قازا تاپقان ازاماتتاردى جەرلەۋ جۇمىستارىن جۇرگىزۋ باعىتىندا جەكەلەگەن جۇمىستار اتقارىلادى. رەسپۋبليكا دەڭگەيىندە كوميسسيا قۇرىلادى. ءبىز ىىم-نە وقيعانىڭ جاي-جاپسارىن تولىق انىقتاۋى ءۇشىن كوميسسيا قۇرامىنا ارنايى مامانداردى ەنگىزۋ تۋرالى ءوز ۇسىنىسىمىزدى بىلدىردىك"، - دەدى ايماق باسشىسى.
وبلىس اكىمىنىڭ ورىنباسارى اندرەي لياپۋنوۆ 2015 جىلى وبلىس اكىمدىگى تاراپىنان شاحان قالاسىنداعى جىلىتۋ جۇيەسىن ورتالىقتاندىرۋ تۋرالى ءوتىنىشتى ۇلتتىق ەكونوميكا مينيسترلىگىنە جولداعانىن ايتىپ ءوتتى.
قازىرگى تاڭدا ءۇيىندىنى ارشۋ جۇمىستارى جالعاسۋدا. وكىنشكە قاراي، ادام ءولىمى ورىن الدى. ءۇيىندى استىنان 9 ادامنىڭ ءمايتى شىعارىلدى. اپات ورىن العان ۇيدەن 118 ادام ءقاۋىپسىز ايماققا كوشىرىلدى، تج ورىن العان جەردەن 6 ادام قۇتقارىلدى. ءۇيىندى ارشۋ جۇمىستارىنا 280 ادام جۇمىلدىرىلدى. ىزدەۋ جۇمىستارى جالعاسۋدا.