جۋرناليست شەنان مولوني (Senan Molony) 30 جىل بويى اتى اڭىزعا اينالعان كەمەنىڭ نە ءۇشىن سۋعا باتىپ كەتكەندىگى تۋرالى عىلىمي-تاريحي زەرتتەۋ جۇرگىزدى دەپ حابارلايدى lenta.ru. «تيتانيك» ساپارعا شىقپاس بۇرىن بەلفاستا كەمە جاسايتىن ورنىندا ينجەنەر-ەلەكتريكتەر ونى فوتوعا ءتۇسىرىپ العان. سول ارقىلى مولوني زەرتتەۋ جۇرگىزدى.

فوتو ارقىلى كەمەنىڭ ايسبەرگكە سوقتىعىسقان جەرىندە ساياحاتقا شىقپاس بۇرىن دا 9 مەترگە سوزىلعان قارا ىزدەر بولعانىن بايقادى. ءجۋرناليستىڭ ويىنشا، «تيتانيك» ساپارعا شىقپاس بۇرىن وندا ولقىلىقتار بولعان.  

ساراپشىلار شەنان ءمولونيدىڭ بولجامدارىن راستاپ وتىر. بويلەردىڭ جانىنداعى وتىن ساقتالعان قويمانىڭ بىرىندە ءورت شىعىپ، سونىڭ سالدارىنان كەمەدە 9 مەترلىك ءىز پايدا بولعان. ولاردىڭ ويىنشا بىرنەشە اپتا بويى قويما ورتەنگەن. 12 ادام ونى وشىرۋگە تىرىسقان. الايدا ءورتتى وشىرۋگە 12 ادامنىڭ كۇشى جەتپەگەن كورىنەدى.  

«تيتانيك» فيلمىنە ءان جازعان اۆتور ءوزىنىڭ سوڭعى سۇحباتىندا، «مەن كەمەرونمەن جۇمىس ىستەگەندە، ازداپ وتىرىك ايتۋىما تۋرا كەلدى» دەگەن ەدى. مولوني «تيتانيكتىڭ» يەلەرى قىزمەت كورسەتۋشىلەرگە بولىپ جاتقان وقيعا تۋرالى ايتۋعا تىيىم سالىپ، تج كەمەدە كەلە جاتقانداردان جاسىرعانىنا سەنىمدى.

وتتان كەمەنىڭ قاپتاماسى قاتتى قىزىپ كەتىپ، كولەمى كىشىرەيىپ قالعان. سوندىقتان ايسبەرگپەن سوقتىعىسقاندا ۇلكەن تەسىك پايدا بولعان. سايكەسىنشە ءورت پەن قىلمىستىق نەمقۇرايلىلىقتىڭ سالدارىنان كەمە سۋعا كەتكەن.  جۋرناليست شەنان مولوني ءدال وسىنداي قورىتىندى جاسادى.

1 جەلتوقساندا Seven Star Energy Investment Group جۇڭگو كومپانياسى «تيتانيكتىڭ» كوشىرمەسىن سالا باستاعانى بەلگىلى بولدى. ول سىچۋانداعى Romandisea International كۋرورتتىق ايماعىندا اتتراكسيون رەتىندە پايدالانىلاتىن بولادى. كومپانيا وكىلدەرىنىڭ ايتۋىنشا جوبا 2017 جىلدىڭ اياعىنا قاراي بىتەدى.

بريتاندىق «تيتانيك» كەمەسى 1912 جىلى ءساۋىر ايىندا العاشقى رەيسىندە ايسبرەگپەن سوقتىعىسىپ سۋعا باتىپ كەتكەن. كەمەدە ەكى مىڭنان استام ادام بولدى. ونىڭ كوبى سۋعا باتىپ كەتتى.