سەنات دەپۋتاتى يران ءامىروۆ :"كۇيەۋبالا كوزىڭە كوك شىبىن ۇيمەلەتىپ جۇرمەسىن"، - دەپ بۇگىنگى تاڭدا شىعىستان تونگەن قاتەردى اشىق ايتتى. ەلىمىزگە كەلىپ، جالعان نەكەگە تۇرىپ، ازاماتتىق الىپ جاتقان وزگە ۇلتتار كوبەيىپ كەتكەن. ولاردىڭ باسىم بولىگى - قىتايلار. "اقشا ءۇشىن حالقىن، ۇلتىن ساتقانداردى جاۋاپقا تارتا المايتىنىمىز - سورىمىز"، - دەيدى سەنات دەپۋتاتى. 

"ەگەر جەرىڭدى جۇڭگو قاپتاسا، كوزىڭنىڭ جاسى ەشۋاقىتتا قۇرعامايدى. بۇل ەتاپتى ءبىزدىڭ حالىق باسىنان وتكىزگەن"، - دەپ مالىمدەدى ول. سەناتور دەرەگى بويىنشا، ەلىمىزدەگى قىتايلار سانى 300 مىڭنان اسىپ كەتكەن. ولاردىڭ باسىم كوپشىلىگى جوعارى ءبىلىمى جوق، جەر جەتپەگەندىكتەن كوشىپ كەلگەندەر. 

ەلىمىزدە قاپتاپ جۇرگەن قىتايلىق ازاماتتار وزدەرىنىڭ ءتۇپ ماقساتتارىن جاسىرمايتىن بولعان، ءتىپتى، قازاق قىزدارىنا قىرىنداۋ ءۇشىن ەسىمدەرىن دە اۋىستىرىپ العان ەكەن.

ۆيدەو Youtube جەلىسىندە تارالعان