1 قاڭتاردا تۇركيانىڭ تۇنگى كلۋبىندا تەراكتى بولدى. دجيحادتىق دايش توبى ىستامبۇلداعى شابۋىلدى ءوز موينىنا الدى. تەراكتىنىڭ سالدارىنان ءارتۇرلى مەملەكەتتەن 39 ادام قازا تاپتى. لاڭكەس تۇنگى كلۋبتاعىلارعا وق جاۋدىرعاندا وندا ليۆاندىق فرانسۋا ال-اسمار دا بولدى دەپ حابارلايدى bbc.com.
«ءبىز وق اتىلعانىن ەستىدىك. بارلىعىمىز ءىشىپ العان ادام دەپ ويلادىق. ءبىراق بىرنەشە سەكۋندتان كەيىن تاعى دا اتىلعان داۋىس ەستىدىك. بارلىعى جەرگە جاتا باستادى. لاڭكەس اۋاعا ەمەس، جەرگە جاتقانداردى اتتى. مەن ۇستەلدىڭ استىنا تىعىلدىم.بارلىعى قاسقاعىم ساتتە بولدى. ءبىراق يىعىم كورىنىپ تۇرعان بولۋ كەرەك. ماعان دا وق ءتيدى. سودان كەيىن ەدەنگە جاتىپ قالدىم. تاعى دا اتپاۋى ءۇشىن، ولگەن ادام سەكىلدى جاتتىم» دەيدى فرانسۋا ال-اسمار.
