اتالمىش بەينەبايان، قاتەلەسپەسەك، 2015 جىلدىڭ باس كەزىندە تۇسىرىلگەن بولاتىن. عالامتوردا پايدا بولىسىمەن-اق قوعامدىق نارازىلىق تۋعىزعان "تۋىندى" ارادا ەكى جىل وتسە دە ءوز ومىرشەڭدىگىن جوعالتار ەمەس.

ءانشى زاتتىبەك كوپبوسىن ۇلى مەن سىقاقشى تۇرسىنبەك قاباتوۆقا ءان ارناعان قىزدىڭ پروديۋسەرى، تانىمال رەپەر شىڭعىس شYNGYS الكەيەۆ بەينەبايانعا بايلانىستى tengrinews سايتىنا كەزىندە بىلاي دەپ سۇحبات بەرگەن بولاتىن.

شىڭعىس الكەيەۆ: "تۇرسىنبەك پەن زاتتىبەك" دەپ اتالاتىن ءاندى، شىن مانىندە، 19 جاستاعى ءسانىم ءالبوسىنوۆا ورىندايدى. بۇعان دەيىن ءاندى 16 جاستاعى قىزدىڭ ورىندايتىنى حابارلانعان ەدى. شىڭعىس الكەيەۆ بەينەباياننىڭ PR-قادام بولعانىن ايتتى. "جاسىراتىن ەشتەڭەسى جوق، بۇل PR-قادام بولدى. "نەگە كىشكەنتاي قىز ۇلكەن كىسىلەرگە عاشىق بولدى؟" دەگەن سۇراقتار تۋىپ جاتىر. ەگەر ول جاس انشىلەرگە عاشىق بولسا، حالىقتىڭ نازارى بۇلاي اۋماس ەدى. زاتتىبەك پەن تۇرسىنبەككە ارنالعان ءان جۇرتقا تاڭسىق بولادى. نازارى بىردەن اۋدى. ارينە، ءازىل رەتىندە جاسالعان. ال ايتىلىپ جاتقان سىنعا كەلەر بولسا، بەينەباياندا قىزدىڭ دەنەسىنىڭ "قاتتى اشىلىپ قالعان" تۇگى دە جوق. الماتىلىق قىزدار كۇندەلىكتى قالاي كيىنسە، ءسانىم دە سولاي كيىندى. "ومىراۋىن اشتى"، "اشىق-شاشىق كيىنىپ ءجۇردى" دەگەن سوزدەر ايتىلىپ جاتىر. وتاندىق FM سياقتى انشىلەر ودان دا اشىق-شاشىق، ءىش كيىممەن تۇسەدى. سوندىقتان بۇل جەردە اسا ءبىر تاڭسىق كورەتىندەي جاڭالىق اشتىق دەپ ويلامايمىن".