تامارا پروسۆيرينا ەسىمدى قارت 1996 جىلى قۇدىققا سۋ الۋعا بارادى. قاراعايدىڭ استىنان بەيمالىم جانۋاردى تاۋىپ الىپ، ۇيىنە الىپ كەلدى. وعان الەشەنكا دەگەن ات قويعان. ءبىر ايدان كەيىن قارت كىسىنى اۋرۋحاناعا الىپ كەتتى. تامارا پروسۆيريناعا «شيزوفرينيانىڭ اسقىنعان ءتۇرى» دەگەن دياگنوز قويدى. وسىدان كەيىن الەشەنكا ۆلاديمير بەندلين ەسىمدى پوليسيانىڭ قولىنا تۇسەدى. ول بەيمالىم جاراتىلىستى فرونتالدى ماسەلەردى زەرتتەيتىن جۇلدىزدى اكادەميانىڭ سەكتانت-ۋفولوگتارىنا بەرگەن.  ۆلاديمير بەندليننىڭ ايتۋىنشا ۋفولوگتار ساراپتاما جۇرگىزەمىز دەپ ۋادە بەرگەن. بەندليدىڭ كورشىلەرى الەشەنكانى سەكتانتتارعا ساتىپ جىبەرگەنىن ايتادى. سودان بەرى مۋميانى ەشكىم كورمەگەن.

«كومسومول» جۋرناليستەرى قىشتىمعا تۇسىنىكسىز جاراتىلىستىڭ اناسىن ىزدەپ باردى. زەرتتەۋشىلەر الەشەنكانىڭ شىن مانىسىندە كىم ەكەنى جونىندە ءوز قورىتىندىسىن جاساپ تا ۇلگەردى.

«كومسومول» جۋرناليستەرى قىشتىم اۋرۋحاناسىنداعى دارىگەر يگور ۋسكوۆپەن كەزدەستى. ول الەشەنكانى ءوز كوزىمەن كورگەن. وعان ونى جەرگىلىكتى پوليسەي بەندلين كورسەتكەن ەكەن. ول كەزدە دارىگەر ونى اي، كۇنىنە جەتپەگەن ۇرىق ەكەنىنە سەنىمدى بولعان. ال  پوليسەي بولسا الەشەنكانى ۇستاپ تۇرىپ، جوعارىعا قاراپ وزدىگىنەن كۇلىمسىرەپ تۇرعان دەپ ەسكە الادى يگور ۋسكوۆ.  

ءبىز ۋسكوۆتان 1995-1996 جىلدارى بالا كوتەرگەندەردىڭ مەديسينالىق كارتاسىن قاراۋدى سۇرادىق (سىرتقى كەلبەتىنەن الەشەنكا 5-6 ايلىق ۇرىق). الايدا تەكسەرىس بارىسىندا 20 جىل بۇرىڭعى اقپاراتتار ساقتالماعانى بەلگىلى بولدى. زاڭ بويىنشا ول 25 جىلعا دەيىن ساقتالۋى ءتيىس ەدى. ۋسكوۆتىڭ ايتۋىنشا 5 جىلعا دەيىنگى عانا ەسەپ ساقتالعان. ءبىراق دارىگەر الەشەنكانىڭ اناسى تىركەۋگە تۇرماعانىنا سەنىمدى.

«مەنىڭ جۇبايىم ايەلدەر كەڭەسىنىڭ مەڭگەرۋشىسى. ەگەر بالا انانىڭ قۇرساعىندا جاتقانداي قانداي دا ءبىر اۋىتقۋشىلىق بولسا، ايەلىم مىندەتتى تۇردە ءبىلۋشى ەدى.  ءتىپتى وبلىستىق دەنساۋلىق ساقتاۋ مينيسترلىگىنە حابار جەتكەن بولار ەدى. سوندىقتان بالانى اناسى قالاماعان. سول سەبەپتى ەسەپكە دە تۇرمادى».

جۋرناليستەر قىشتىمعا تەرگەۋ كوميتەتىنەن كەلگەن حاتتى زەرتتەي باستادى. وندا بىلاي دەپ جازىلعان. «1996 جىلى تۇسىك بولعان. ياعني تىرشىلىك ەتە المايتىن ەمبريون. ول تولىق قاندى بالا ەمەس. سوندىقتان قوسىمشا تەكسەرۋدىڭ قاجەتى جوق» دەپ جازىلعان.

الايدا  100 پايىزدىق سەنىمدىلىكپەن قىشتىمدىق ەرگەجەيلى – تۇسىك دەپ ايتا المايمىز.

جۋرناليستەر بەلگىسىز جاراتىلىس تابىلعان جەرگە باردى. قۇدىقتىڭ جان-جاعى ينەمەن تەمەكىگە تولى. جەرگىلىكتى اقساقال ناشاقورلار ءىشىپ العاننان كەيىن قىشىمدا سايران قۇرادى. وسىدان كەيىن ءتۇرلى الەشالار دۇنيەگە كەلەدى دەيدى قارت.

«1996 جىلدارى وقۋشى قىز ەكى قابات بولىپ، حالىق ءبىراز شۋلاعان. ءبىراق جوعارى سىنىپ وقۋشىسى بالانى بوسانباعاننان كەيىن بارلىق وسەك ساپ تيىلدى. مۇمكىن الەشەنكا دەگەن  سول قىزدىڭ تاستاندى بالاسى شىعار» دەپ ءوز بولجامىمەن دە ءبولىستى.

جالعاسى بار!

دەرەككوز: kp.ru