كانادالىق تۇرعىن ولگا بەنو 27 جىل بويى لوتەرەيا وينايدى ەكەن دەپ حابارلايدى bbc.com. 1989 جىلى ول تۇسىندە بەلگىلى ءبىر سانداردان تۇراتىن كومبيناسيانى كورگەن. سوسىن 27 جىل بويى العان لوتەرەياسىندا ول سول سانداردى عانا ەش وزگەرتپەستەن جازىپ، تولتىرىپ وتىرعان. جەلتوقساننىڭ ورتاسىندا ولگا بەنو 5،3 ميلليون كانادالىق دوللارعا تەڭ ياعني 3،9 ميلليون امەريكا دوللارى كولەمىندە دجەكپوت ۇتىپ الدى. بۇل تۋرالى ولگا بىلاي دەيدى:

— مەن تۇسىمدە كورگەن سانداردى جاتقا بىلەمىن. تەلەديدار كورىپ وتىرعاندا سول سانداردى كورگەن سياقتى بولدىم. الايدا ءوز كوزىمە ءوزىم سەنبەدىم. ءبىر جاعىنان كورۋ قابىلەتىم دە ناشارلاۋ. سوندىقتان ەش نازارعا المادىم. كەلەسى كۇنى اپكەممەن تەلەفون ارقىلى اڭگىمەلەسىپ وتىرعاندا گازەتتى اقتارىپ وتىرعانمىن. گازەتتىڭ سوڭعى بەتىندە سول باياعى ساندار كومبيناسياسىن كوردىم. ءوزىم جەڭىمپاز ەكەنىمدى سودان ءبىلدىم. 27 جىل بويى ارمانىنان باس تارتپاعان ايەل ءوزىنىڭ ۇتىسىنا تۇرعىن ءۇي الاتىنىن ايتتى. كەزىندە ەمدەلۋ ءۇشىن ولگا ءۇيىن ساتىپ جىبەرگەن ەكەن. سودان بەرى پاتەر جالداپ تۇرىپ كەلىپتى. ەندى ول جەكە مەنشىك ءوز ءۇيى، ءوز شاڭىراعى بولاتىنىنا قۋانىشتى.