جوعارعى رادانىڭ دەپۋتاتى سەرگەي پاشينسكيي «ۋكروپ» ۋكرايندىق پارتيانىڭ باسشىسى گەنناديي كوربانمەن ۋكراينا بيلىگىن باسىپ الۋ جايلى تەلەفون ارقىلى سويلەسكەن اڭگىمەسى ينتەرنەتتە تارالىپ كەتتى. بۇل جازبانى پرەزيدەنت اكىمشىلىگى باستىعىنىڭ بۇرىنعى ورىنباسارى اندرەي پورتنوۆ Facebook پاراقشاسىندا جاريالاعان.

«سترانا.ua» باسىلىمى حابارلاعانداي، اڭگىمە 2014 جىلدىڭ كۇزىندە بولعان. سول ۋاقىتتا كوربان  دنەپروپەتروۆسك وبلىستىق مەملەكەتتىك اكىمشلىك باسشىسىنىڭ ورىنباسارى بولدى.

جاريالانعان جازبادا پاشينسكيي مەن كورباننىڭ سويلەسۋى جاريالانعان دەپ جازىپ وتىر ب ا ق.  اڭگىمەلەسۋ بارىسىندا پاشينسكيي بيلىكتى باسىپ الىپ، «ونىڭ گۇلدەنۋى ءۇشىن» مەملەكەتتى باسقارۋ جايىندا ءسوز ەتەدى. دەپۋتاتتىڭ سەرىگى «مۇنداي نارسەلەردى تەلەفون ارقىلى ايتۋعا بولمايتىنىن» ەسكەرتەدى. وعان پاشينسكيي «پرەزيدەنتتىڭ دوسىمىن» دەپ جاۋاپ قايىرادى.

«ءبىز پرەزيدەنت ءۇشىن بيلىكتى جاۋلاپ الامىز»، – دەپ ءسوزىن جالعاستىرادى. سودان كەيىن دەپۋتات پوروشەنكو اينالاسىنداعىلاردى جاۋ ساناعاننىڭ ءبارىن «قىرىپ سالامىن» دەپ قورقىتادى. «ولاردىڭ قولدارىنان ەشتەڭە كەلمەيدى، ءتىپتى، قالاي ۇرلاۋ كەرەكتىگىن دە بىلمەيدى!»، – دەدى پاشينسكيي.

ءوز كەزەگىندە كوربان ايتىلعاننىڭ بارىنە كەلىسە بەردى.