ۆەنەسۋەلانىڭ جوعارعى سوتى وپپوزيسيالىق ۇلتتىق اسسامبلەياسى نيكولاس مادۋرونى پرەزيدەنت قىزمەتىنەن بوساتا الاتىن وكىلەتتىلىگى جوق دەپ حابارلايدى ria.ru.
پارلامەنت مادۋرونىڭ ءوز مىندەتىن ورىنداي الماعانى ءۇشىن پرەزيدەنت قىزمەتىنەن كەتتى دەپ حابارلاعان. ول ءۇشىن 106 دەپۋتات داۋىس بەردى.
«كونستيتۋسيانىڭ 336 بابىنا سايكەس دەپۋتاتتارعا رەسپۋبليكا پرەزيدەنتىنىڭ ساياسي جاۋاپكەرشىلىگى تۋراسىندا پروسەستى حابارلاۋدى جانە دەپۋتاتتاردىڭ كونستيتۋسيالىق ۋاكىلەتتىلىگىنە جاتپايتىن اكتتەردى قابىلداۋدى دوعارۋعا بۇيرىق كەلگەن» دەپ سوتتىڭ مالىمدەمەسىندە كورسەتىلگەن.
ۆەنەسۋەلانىڭ 1999 جىلى قابىلدانعان كونستيتۋسياسىنا سايكەس، مەملەكەت باسشىسىنا قاتىستى يمپيچمەنت قابىلدانبايدى. دەسەك تە، ەلدەگى زاڭنىڭ 222 مەن 232 باپتارىنا سايكەس اتقارۋشى بيلىكتى پارلامەنت باقىلاي الادى دەپ كورسەتىلگەن. سونىمەن قاتار ولار مەملەكەتتىك قايراتكەرلەردىڭ ارەكەتىنە بايلانىستى «ساياسي جاۋاپكەرشىلىككە» تارتا الادى جانە قايتىس بولعاندا، حالىق پرەزيدەنتتىڭ ورنىنان كەتۋىن تالاپ ەتكەندە نەمەسە ۇلتتىق اسسامبلەيانىڭ شەشىمىمەن قىزمەتىنەن كەتكەن جاعدايدا پرەزيدەنت «ءابسوليۋتتى تۇردە جوق» دەپ تانىلادى.
ۆەنەسۋەلاداعى داعدارىس ءبىر جىل بۇرىن قۇرىلعان وپپوزيسيالىق پارلامەنتتىڭ پايدا بولۋىمەن كۇشەيە ءتۇستى. ءقازىر زاڭ شىعارۋشى مەن اتقارۋشى بيلىكتىڭ اراسىندا ارىپتەستىك جوق. مادۋرو وپپوزيسيانى «پارلامەنتتە توڭكەرىس» جاساۋعا تالپىنىپ ءجۇر دەپ ايىپتادى. ال پارلامەنت مەملەكەت باسشىسى تاراپىنان كونستيتۋسيانى بۇزىپ وتىرعانىن العا تارتادى.
جوعارى سوت بۇعان دەيىن وپپوزيسيالىق پارلامەنتتىڭ پرەزيدەنتكە يمپيچمەنت دايىنداۋدى دوعارۋ تۋرالى ۇكىم شىعارعان.
