NewYorkورتالىعى نيۋ-يوركتە ورنالاسقان ادام قۇقىقتارى مەكەمەسى HumanRightsWatch (HRW/ادام قۇقىقتارىن باقىلاۋ ۇيىمى) 2017 الەمدىك بايانداماسىن جاريالادى. 90-نان استام ەل قاراستىرىلعان باياندامادا تۇركيا سىن ساداعىنا ىلىكتى دەپ حابارلايدى www.bbc.com/turkce.

HRW ەۆروپا مەن ورتا ازيا ديرەكتورى Hugh Williamson باياندامادا «Tۇركيا سوڭعى بۋىنى ەڭ اۋىر جاعدايعا تاپ بولدى» دەگەن وي ايتتى.

ۇيىم تۇركيادا ادام قۇىقتارى سالاسىندا وتكەن جىلعى ىلگەرىلەۋشىلىكتەردى «ادام قۇقىقتارى ماسەلەسىندە ادام شوشيتىنداي ناشارلاۋ» دەگەن تاقىرىپپەن ەستىرتتى:

«تۇركيانىڭ پرەزيدەنتى ءارى ۇكىمەتى 2016 جىلدىڭ شىلدەسىندە ورىن العان اۋىر توڭكەرىس ارەكەتىن ادام قۇقىقتارىن قىسىمعا الۋ ءارى نەگىزگى دەموكراتيالىق كەپىلدەمەلەردى جويۋ ماقساتىندا ءبىر قۇرال رەتىندە قولدانۋدا».

«قارسىلاستاردى اياماي ەزىپ-جانشىدى»

جىلدىڭ سوڭعى التى ايىندا جۋرناليستەردىڭ جاپپاي باقىلاۋعا الىنعانىن، كوپ مولشەردە باق-تىڭ جابىلۋىن، ساياساتكەرلەردىڭ تۇرمەگە قامالعانىن ەسكە سالعان HRW 100 مىڭنان اسا كىسىنىڭ جۇمىستان قۋىلعانىن، ازاماتتىق قوعام مەكەمەلەرىنىڭ جابىلعانىن ءارى ۇكىمەتتىڭ سوتتاردى ءوز ىرقىنا باعىندىرىپ جاتقانىن ايتتى.

HRW ەۆروپا مەن ورتا ازيا ديرەكتورى HughWilliamsonباياندامادا «تۇركيا ۇكىمەتى دەموكراتيانى كۇشەيتۋ ءۇشىن پارتيالار اراسىندا قالىپتاسقان توڭكەرىسكە قارسى وداقتى كادەگە جاراتۋدىڭ ورنىنا سىنعا العان ادامدار مەن قارسىلاستاردى اياۋسىز تۇردە قۋدالاۋدى تاڭدادى» دەدى.

بەرىك مىڭجاسار