بيىل يەمەندى جاپپاي اشارشىلىق جايلاۋى مۇمكىن دەپ حابارلايدى 24.kz.
بۇگىننىڭ وزىندە 10 ميلليونداي تۇرعىن ازىق-تۇلىك تاپشىلىعىن كورىپ وتىر. كوپشىلىگى سوعىس باستالعالى تويىپ تاماق ىشپەگەن. بۇل تۋرالى بىرىككەن ۇلتتار ۇيىمى باس حاتشىسىنىڭ گۋمانيتارلىق ماسەلەلەر جونىندەگى ورىنباسارى ستيۆەن و`برايەن مالىمدەدى. ونىڭ ايتۋىنشا، اشتىق قۇرساۋىندا قالعانداردىڭ 2 ميلليوننان استامى بۋىنى بەكىمەگەن بالا. ولاردىڭ جاعدايى كۇن ساناپ ناشارلاپ بارادى. ەلدە تۇراقسىزدىق ورناعان سوڭ شەتەلدىك قارجى ورتالىقتارى يەمەن بانكتەرىمەن جۇمىس ىستەۋدى دوعارعان. وعان قوسا سىرتتان كەلەتىن دارى-دارمەكتىڭ دە جەتۋى قيىندادى. سالدارىنان سوزىلمالى دەرتكە شالدىققان ناۋقاستاردىڭ اۋرۋى اسقىنعان. سوعىس باستالعالى بەرى مۇندا 7 جارىم مىڭ ادام مەرت بولدى. 40 مىڭنان استامى جارالانعان. قاقتىعىستاردىڭ تىيىلماۋىنا بايلانىستى حالىقارالىق ۇيىمدار دا تۇرعىندارعا گۋمانيتارلىق كومەكتى جەتكىزىپ بەرە الماي وتىر.
