جاپونياداعى تۇسكى استىڭ بەرىلۋى – تاماقتانۋدان دا كوپ نارسەنى بىلدىرەدى. ونىڭ قانداي ەرەكشەلىگى بار ەكەنىن سىزدەر سايتامدا ورنالاسقان مەكتەپتەردىڭ بىرىنە ونلاين-ەكسكۋرسيا قۇرۋ ارقىلى بىلە الاسىزدار.
تانىسىپ قويىڭىزدار، بۇل Yui. بۇگىن ول مەكتەبىندەگى تۇسكى استىڭ ەرەكشەلىگى جايلى ايتىپ بەرەدى.
مەكتەپ اسحاناسىنىڭ 5 جۇمىسشىسى 3 ساعاتتا 720 ادامعا تۇسكى اس دايىندايدى.
ولار تازالاپ جاتقان كارتوپتاردى التىنشى سىنىپ وقۋشىلارى مەكتەپ فەرماسىندا وسىرگەن.
بۇگىنگى تۇسكى اسقا المۇرت سوۋسىنان بالىق (المۇرتتار دا مەتكەپ باعىندا وسىرىلگەن)، كارتوپ ەزبەسى، نان، كوكەنىس سورپاسى مەن ءسۇت.
اسپازشىلار تاعامدى ءار سىنىپقا كونتەينەرلارعا ءبولىپ قويادى. بۇلاردىڭ ءبارى ءبىر بولمەدە دايىندالادى.
4ء-شى ساباقتان كەيىن وقۋشىلار ۇستازدارىنا وتكىزگەن ساباعى ءۇشىن العىس ايتادى. ەندى 45 مينۋتقا سوزىلاتىن تۇسكى اس ۋاقىتى. ءبۇتىن ءبىر ساباقتىڭ ۋاقىتىنداي!
وقۋشىلار حالاتتارى مەن باس كيىمدەرىن كيىپ، بەتتەرىنە بەتپەردە تاعادى.
مىندەتتى تۇردە قولدارىن جۋىپ، ارنايى ستەريلدەيتىن گەلمەن قولدانادى.
كەزەكشىلەر تاعام سالىنعان كونتەينەرگە بارادى. ءبىراق ولار الدىمەن اسپازشىلارعا دايىندالعان اس ءۇشىن العىس ايتادى.
كىشى سىنىپ وقۋشىلارى تۇسكى استى مىنانداي اربامەن سۇيرەتەدى.
ال، بۇل بالا ءسۇتتى ۇلەستىرۋ بويىنشا كەزەكشى. ول ءارقايسىنا ءبىر پاكەتتەن تاراتادى.
بۇل جەردە سورپانى قۇيىپ، دايىنداپ بەرەدى.
دايىنداپ بولعان سوڭ، كەزەكشىلەر قانشا اس قالعانىن ايتىپ، ەسەپ بەرەدى. ەشتەڭە ىسىراپ بولىپ قالماۋى كەرەك!
ۇستازدارى بالالارمەن بىرگە تاماقتانادى. اسقا كىرىسپەس بۇرىن، ول بالالارعا الدىندا تۇرعان استىڭ قانداي ونىمدەردەن جاسالعانىن بايانداپ بەرەدى.
تۇسكى استان سوڭ، بالالار باستەسىپ وينايدى. جەڭگەن بالاعا ارتىق قالعان بالىق پەن ءسۇت بەرىلەدى. ەشتەڭە ىسىراپ بولمايتىنىن ايتتىق قوي!
ونىڭ ۇستىنە وقۋشىلار بوساپ قالعان ءسۇتتىڭ پاكەتىن قايتا وڭدەۋگە جىبەرۋ ءۇشىن دايىنداپ بەرەدى.
تاماقتان سوڭ، ءبارى مىندەتتى تۇردە تىستەرىن تازالايدى.
ءسۇتتىڭ پاكەتىن جاشىككە جيناپ، ونى سۋمەن جۋىپ، ءبىر تاۋلىككە كەپتىرۋگە قويىپ قويادى. ودان كەيىن ونى ارنايى ورىنعا اپارادى. ول جاقتان قايتا وڭدەۋگە الىپ كەتەدى.
لاس ىدىستاردى وقۋشىلار وزدەرى تاسيدى. كىشكەنتايلارى ىدىستاردى سۇيرەتىلگەن اربامەن ليفتكە دەيىن اپارادى.
13:10 تازالىق ۋاقىتى باستالادى. ول 20 مينۋتقا سوزىلادى. بالالار سىنىپتارىنىنىڭ، ءدالىزدىڭ، دارەتحانانىڭ ەدەنىن جۋىپ، مەكتەپ اۋلاسىن سىپىرادى.
بالالاردى كىشكەنتايىنان ەڭبەككە باۋلىپ وسىرەدى. ولار ونىمدەردىڭ وڭايلىقپەن كەلمەيتىنىن ۇعىنادى. ولاردى الدىمەن ءوسىرۋ كەرەكتىگىن دە جاقسى تۇسىنەدى. بارلىعى بىرلىكتە ۇيىمداستىرىلعان!
پىكىر قالدىرۋ