قىتايدا "I am singer" ءان بايقاۋىنا قاتىسىپ، بۇكىل جۇرتشىلىقتى اۋىزىنا قاراتقان ديماش قۇدايبەرگەنوۆ ەندىگى كەزەكتە ەلدى كۇيشىلىك ونەرىمەن تاڭقالدىردى. ءوزىنىڭ وكىل اكە-شەشەسى بولىپ كەلەتىن ۇلىقپان جولداسوۆ پەن ايعان جولداسوۆانىڭ شاڭىراعىندا وتىرىپ ايگىلى ءانشى، سازگەر، كومپوزيتور ۇلىقپانمەن بىرگە "اداي" كۇيىن شەرتىپ وتىرعاندىعىن ايعان حانىم Instagram پاراقشاسىندا جاريالاعان.
"ادەتتەگىندەي ەكەۋىنىڭ باسى قوسىلسا-دومبىرامەن كۇي تارتپاسا بولمايدى. ءانشى مىندەتتى تۇردە مۋزىكالىق اسپاپتا ويناي ءبىلۋى كەرەك دەگەن ءۇستانىم بار"، - دەپ جازادى ايعان جولداسوۆا. سونىمەن قاتار "دومبىرادا كۇندە وينايتىن اداممەن سالىستىرمايىق"، - دەپ، سىني پىكىر قالدىرۋشى وقىرماندارعا ەسكەرتە كەتكەن.
