ق ر پرەزيدەنتى نۇرسۇلتان نازاربايەۆ رەسمي مالىمدەمە جاسادى. وندا ەلباسى حالىققا جىل سايىنعى جولداۋىنىڭ ەرتەڭ، 31 قاڭتاردا ب ا ق جاريالاناتىنىن جەتكىزدى. بيىلعى جولداۋىندا ەل دامۋىندا تىڭ قارقىن بەرەتىن جاڭا باعداردى ۇسىنادى. باستى تاقىرىپ "قازاقستاننىڭ ءۇشىنشى جاڭعىرۋى" دەپ اتالادى. ول ەلىمىزدىڭ ەكونوميكالىق دامۋىنىڭ يننوۆاسيالىق وزەگىنە نەگىزدەلگەن.
"ءبىز ساندىق تەحنولوگياعا نەگىزدەلگەن بولاشاعى زور باعىتتارعا ءمان بەرەتىن بولامىز. ال ءبىلىم بەرۋ، دەنساۋلىق ساقتاۋ، حالىقتى الەۋمەتتىك قورعاۋ سەكىلدى ماڭىزدى سۇراقتار قاشان دا نازاردا بولادى. قازاقستان قىسقا مەرزىم ىشىندە كەمەلدەنىپ، قۋاتى تولىسقان ساقا مەملەكەتكە اينالدى. شيرەك عاسىردا ەلىمىزدى تۇبەگەيلى وزگەرتكەن ەكى جاڭعىرۋدى ىسكە اسىردىق. الدىمەن نارىقتىق ەكونوميكا قاعيدالارىنا نەگىزدەلگەن مۇلدەم جاڭا سيپاتتى مەملەكەت قۇردىق. ەكىنشىدەن، "قازاقستان-2030" ستراتەگياسىن جۇزەگە اسىرىپ، اسقاق استانانى قۇردىق. ەندى كەزەكتى ماڭىزدى بەلەستىڭ الدىندا تۇرمىز" دەدى نۇرسۇلتان نازاربايەۆ.
مەملەكەت باسشىسىنىڭ رەسمي مالىمدەمەسى مەملەكەتتىك تەلەارانالاردا كورسەتىلدى.
