بۇگىن «بتا بانكى» اق-نىڭ باسقارما باسشىسىنىڭ بۇرىنعى ورىنباسارى جاقسىلىق جارىمبەتوۆ ارنايى باسپا ءسوز ءماسليxاتىن وتكىزىپ، وزىنە قاتىستى تارالىپ جاتقان الىپ-قاشپا اڭگىمەلەردى جوققا شىعاردى.

ونىڭ ايتۋىنشا، قاڭتاردىڭ 17ء-سى كۇنى تۇركيانىڭ شەكارا قىزمەتى ونى جالعان تولقۇجاتپەن جۇرگەنى ءۇشىن ۇستاعان بولاتىن. «پوليسيا ۋچاسكەسىندە وتىرعاندا مەن ءوزىمنىڭ شىن ءاتى-جونىمدى ايتتىم. سوسىن ىستانبۇلداعى قازاقستاننىڭ رەسمي وكىلدىلىگىنە xابارلاسۋدى ءوتىندىم. ءسويتىپ، قاڭتاردىڭ 20-سى كۇنى مەنى قازاقستانعا ەكستراديسيالادى. ەرتەسىندە مەنى تەرگەۋ اباقتىسىنا قامادى. وسى ۋاقىتقا دەيىن سوندا بولدىم. ماعان ەشقانداي زورلىق-زومبىلىق پەن قىسىمنىڭ جاسالماعانىن مالىمدەگىم كەلىپ وتىر. سەبەبى كەيبىر ۇكىمەتتىك ەمەس ۇيىمدار مەن قۇقىق قورعاۋ بىرلەستىكتەرى مۇلدەم باسقا اقپارات تاراتىپ «مەنى قيىن جاعدايعا تاپ بولدى» دەپ xابارلادى. ءتىپتى، «مەنىڭ ومىرىمە ءقاۋىپ ءتونىپ تۇر» دەگەن اڭگىمە تاراتتى. وسى اقپارات شىندىققا ەش جاناسپايدى. مەنىڭ ىسىمە ساياساتتىڭ ەشبىر قاتىسى جوق»، - دەدى جارىمبەتوۆ.

ونىڭ سوزىنە قاراعاندا، ول ءالى كۇنگە دەيىن «بتا بانك»  ءىسى بويىنشا كۇدىكتى بولىپ سانالادى. «ارينە، كەيبىر ادامدار، ولاردىڭ ىشىندە ءابىلازوۆ تا بار، وسىنى ءوز مۇددەسى ءۇشىن پايدالانعىسى كەلىپ وتىر. بۇقارالىق اقپارات قۇرالدارىنا جالعان مالىمەتتەردى سالىپ جاتىر. مەن تاعى دا ايتامىن، بۇل جەردە ساياساتتىڭ ەشبىر قاتىسى جوق. تەرگەۋ اباقتىسىندا وتىرىپ، ماعان ەشقانداي قىسىم جاسالمادى. مەن تۋعان-تۋىستارىممەن ەمىن-ەركىن كەزدەسىپ ءجۇردىم. ءقازىر ماعان قاتىستى ەشقايدا شىقپاۋ تۋرالى شارا قولدانىلىپ، قولxات الىندى. جاقىن ارادا وتباسىممەن قاۋىشامىن. شىنىمدى ايتسام، وسى قادامعا بۇرىن بارۋ كەرەك ەدى»، - دەپ اتاپ كورسەتتى جارىمبەتوۆ.

ونىڭ قورعاۋشىسى وزتەمىروۆ اتالعان ىسكە قاتىستى سوت ءوندىرىسىنىڭ الماتى قالاسىندا وتەتەتىنىنە سەنىم ءبىلدىرىپ وتىر. سەبەبى اتالعان قىلمىستىق  ءىس سول جەردە قوزعالعان بولاتىن.