قاراعاندى وبلىسىندا حقكو باسشىلىعى جالعان ۆيدەو تاراتۋشىلاردى ىزدەستىرىپ جاتىر. الەۋمەتتىك جەلىلەردە تاراپ جاتقان ۆيدەودا پرەمەر-مينيستر باقىتجان ساعىنتايەۆ، قاراعاندى وبلىسىنداعى حقكو دەپارتامەنتىنىڭ باسشىسى تىلەۋباي قۇسايىنوۆ پەن دەپارتامەنتتىڭ قىزمەتكەرلەرى تۇسىرىلگەن. دەپارتامەنتتەگىلەردىڭ ايتۋىنشا، بىرەۋلەر ۆيدەوروليكتى مونتاجداعان. وسىعان بايلانىستى ءقازىر مونتاج اۆتورى ىزدەستىرىلىپ جاتىر، - دەپ حابارلايدى Tengrinews.kz ءتىلشىسى.

ۆيدەوروليك ساعىنتايەۆتىڭ ازاماتتارعا ارنالعان كورپوراسيا قۇرۋ تۋرالى سوزىنەن باستالادى. سودان ونىڭ بۇل سوزىنە دەپارتامەنت باسشىسى قۇسايىنوۆ 1 قاڭتاردان باستاپ حقكو-نىڭ "تاماشا عىلىمدار ورتالىعى" دەپ وزگەرتىلەتىنىن ايتىپ، "جاۋاپ بەرەدى". سونداي-اق، روليكتە Mannequin Challenge فلەشموبى تۇسىرىلگەن.
ايتا كەتەيىك، دەپارتامەنت وكىلدەرى Tengrinews.kz تىلشىسىنە بۇل ۆيدەونىڭ قالاي تۇسىرىلگەنىن ايتىپ بەردى. ۆەدومستۆونىڭ مالىمەتىنشە، الەۋمەتتىك جەلىلەردە تاراپ جاتقان ۆيدەو  مونتاجدالعان. ولاردىڭ ايتۋىنشا، ۆەدومستۆونىڭ 10 جىلدىعىنا ارنايى Mannequin Challenge فلەشموبى تۇسىرىلگەن ۆيدەو قاتتى وزگەرتىلگەن.

"Mannequin Challenge 2016 جىلى تۇسىرىلگەن بولاتىن. بۇل فيلم كولەمى جاعىنان وتە ۇلكەن، كاسىبي تۇسىرىلگەن. ءفيلمنىڭ ۇزاقتىعى 17 مينۋتتان اسپايدى. ءبىز وندا قىزمەتكەرلەرىمىزدىڭ جۇمىس ۋاقىتىندا وزدەرىن قالاي ۇستاماۋى قاجەت ەكەندىگىن كورسەتكىمىز كەلدى. بارلىعى دا ءبىزدىڭ التى كۇن تاڭعى ساعات 8.00-دەن كەشكى ساعات 20.00-گە دەيىن جۇمىس ىستەيتىنىمىزدى بىلەدى. ول وڭاي ەمەس! بۇل كادرلاردىڭ بىرەۋلەردىڭ قولىنا قالاي عانا تۇسكەنىن بىلمەيمىن. ولار ۆيدەونى مونتاجداپ، بارلىعىن وزگەرتىپ تاستاعان. ءقازىر ءبىز وسى ماسەلەمەن اينالىسىپ جاتىرمىز. كەيىنىرەك قۇقىق قورعاۋ ورگاندارى مەن زاڭ اياسىندا سول ادامعا قاتىستى جازا تاعايىندالادى"، - دەدى قاراعاندى وبلىسىنداعى حقكو دەپارتامەنتىندەگىلەر.