جانبوتا الدابەرگەنوۆا مەن باعلان ىڭكاربەك ميكس سايىسىندا التىن جۇلدە الدى.
فريستايلدىڭ ميكس تۇرىنەن سىنعا تۇسكەن جانبوتا الدابەرگەنوۆا مەن باعلان ىڭكاربەك الماتىدا ءوتىپ جاتقان 28ء-شى قىسقى ۋنيۆەرسيادا بارىسىندا قازاقستان قۇراماسىنىڭ قورجىنىنا ەكىنشى التىن جۇلدە سالدى، - دەپ حابارلايدى Vesti.kz.
سۋپەرفينالدا ءبىزدىڭ جۇپ 167.05 ۇپاي جيناپ ەكى بىردەي قىتايلىق جۇپتان مىقتى شىعىپ، التىن جۇلدە الدى. ال اقتىق سىندا جۇڭگو سپورتشىلارى 113.02 جانە 87.77 ۇپاي جينادى.
ەسكە سالايىق، ءبىرىنشى التىندى قازاقستان قورجىنىنا بيوتلونشى بۇرىمدىمىز الينا رايكوۆا سالعان ەدى. قازىرگى تاڭدا قازاقستان قۇراماسى 2 التىن 2 كۇمىس 4 قولا جۇلدەمەن جالپىكوماندالىق ەسەپتە ەكىنشى ورىنعا كوتەرىلدى.
