الماتىنىڭ قوعامدىق كەڭەسى الىپساتارلاردىڭ الماتىدا 28ء-شى الەمدىك قىسقى ۋنيۆەرسيادا دا قالاي اقشا تاۋىپ جۇرگەنىن ءبىلدى دەپ جازادى ratel.kz.

شەتەلدىكتەردىڭ الدىندا ۇيات بولدى

وڭتۇستىك استانانىڭ بيلىگى قالا تۇرعىندارىن قوناقتار كەلگەنشە كولىكتەردى جۋۋعا ماجبۇرلەپ جاتقاندا، كەيبىر پىسىق جەرگىلىكتى تۇرعىندار جىلدىڭ ەڭ ءىرى سپورتتىق شارالارىنىڭ بىرىندە جاقسى جۇمىس ىستەيتىن جۇيە قۇرىپ ۇلگەردى.

ۋنيۆەرسيادانىڭ باستالعانى كەشە عانا، ال بيلەت ساتىلىمىندا ماسەلە تۋىنداپ ۇلگەردى. كاسسادا بيلەت جوق.

الماتىنىڭ قوعامدىق كەڭەسىنىڭ  وكىلى  اننا دانيلينا اقش-كانادا حوككەي ماچىندا ادامدار بيلەتتىڭ جوقتىعىنان سىرتتا كىرە الماي تۇرعان ۋاقىتىندا، ورىنداردىڭ  10% بوس بولعانىن ايتادى.

حوككەي تاڭداۋلى ادامدار ءۇشىن

شىن مانىسىندە بيلەتتەردى كوشەدە ساتقان. اننا دانيلينا الىپساتارلارمەن بولعان ديالوگتى بەينەكامەراعا ءتۇسىرىپ ۇلگەردى.

بيلەت ساتىپ جاتىرسىڭدار ما؟ تاعى بيلەت بار ما؟ قانشادان؟

8 مىڭ تەڭگەدەن

نەگە سونشا قىمبات؟ كاسسادا ەڭ قىمباتى 5 مىڭ عوي.

بۇرىننان بيلەت جوق.

ولاردىڭ جالعىز ەمەس، توپپەن جۇمىس ىستەيتىنى انىق. ولار تەلەفون ارقىلى بىرەۋمەن ۇنەمى بايلانىستا بولدى.

20 مينۋت كۇتە تۇرىڭىز. ءقازىر ولار تۇسەدى

ولار دەگەنىڭ كىمدەر؟

الىپساتارلار...ءقازىر 7:30 ولار بەس  مىڭنان دا بەرە باستايدى. حوككەي باستالماسا ءتىپتى ەكى مىڭنان ساتادى.

ءوزى شىعىنعا باتسادا ما؟

ولار بيلەتتەردى 700-دەن الدى.

سايتتا قاتارعا بايلانىستى باعا 500 تەڭگەدەن 50 مىڭعا دەيىن دەپ كورسەتىلگەن عوي.

ولار ارتقى ورىنداردى  700-دەن ساتىپ الىپ، 8 مىڭنان ساتىپ جاتىر.

كوپ ەمەس پە؟

بۇل وننىڭ ءبىرى عانا. ەكىدەن دە بەرەسىڭ....

ال حالىق بيلەتتەردى ساتىپ الا الماي وتىر. كاسسادا بيلەتتەر مۇلدە جوق.

كاسسادا بيلەتتىڭ بىتكەنىنە ەكى اپتا ءوتتى.

بەلسەندىلەر باستاپقى باعاسى 500 تەڭگە بولعان بيلەتتى 6 مىڭعا ساتىپ الىپ ۇلگەردى.

اننا دانيلينا، قوعامدىق كەڭەستىڭ ءتوراعاسى راحمان الشانوۆتىڭ باستاماسىمەن بيلەتتەر ساتىلىمى قالاي بولىپ جاتقانىن ءبىلۋ ءۇشىن ماچقا  كەلگەندەرىن ايتادى.

«كۇندىزگى سپورت شارالارىنا بيلەتتى كاسسالاردان تابۋعا بولادى. ال بۇگىنگى قازاقستان-شۆەسيا ماچىنا رەسمي ساتىلىمداعى ورىنداردا بيلەتتەر جوق. كوپتەگەن شەتەلدىكتەر الماتىعا بيلەت ساتىپ الىپ، سپورتشىلاردىڭ ونەرىن تاماشالاۋ ءۇشىن كەلدى. ماچتى كورگىسى كەلەتىن قازاقستاندىقتاردى ايتپاعاندا. الايدا نە بولىپ جاتقانىن قاراڭىز. ءبىز بۇل ماسەلەمەن زاڭدى تۇردە اينالىسۋى ءۇشىن، رەسمي حات دايىنداپ جاتىرمىز».

اننانىڭ سوزىنشە الىپساتارلار وليمپيادانىڭ جابىلۋى سالتاناتىنا بيلەتتەردى 50 مىڭنان ساتىپ جاتىر. ال كاسسادا ونىڭ باعاسى 13 مىڭ تەڭگە بولعان.

الماتى پوليسياسى ۋنيۆەرسيادا-2017 بيلەتتەرىن ورتالىق ستاديوننىڭ جانىندا جانە «حالىق ارەنا» كومپلەكسىندە ساتىپ جۇرگەن الىپساتارلاردى ۇستادى. ولاردان 80 جانە 42 بيلەت تاركىلەندى. ۇستالعاندار پوليسيا بولىمشەسىنە جەتكىزىلدى.

الماتى قالاسىنىڭ ىشكى ىستەر دەپارتامەنتى الىپساتارلاردى كورگەن جاعدايدا  - 254-40-07؛ 263-36-36 جانە 263-38-38 سەنىم تەلەفوندارىنا قوڭىراۋ شالۋدى سۇرايدى.