وزبەكستان سۋى تارتىلىپ، ەكولوگيالىق اپات ايماعىنا اينالعان ارال تەڭىزى ماڭىن دامىتۋعا بەس جىلدا 2،6 ميلليارد دوللار جۇمساماق. بۇل تۋرالى ازاتتىق حابارلايدى.
ەل پرەزيدەنتى شاۆكات ميرزيايەۆتىڭ بۇل تۋرالى جارلىعى 30 قاڭتاردا شىققان.
2،6 ميلليارد دوللار جاڭا جۇمىس ورىندارىن اشۋعا، سۋ تارتۋ جانە كاناليزاسيا سالۋعا، مەديسينالىق قىزمەتتى جەتىلدىرۋگە، جاڭا ۇيلەر مەن ينفراقۇرىلىمدار سالۋعا، شاعىن نەسيەلەر بەرۋگە جانە الەۋمەتتىك جاردەماقىعا جۇمسالماق.
تۇششى سۋلى ارال تەڭىزى اسىرەسە وزىنە قۇياتىن سىرداريا مەن ءامۋداريانىڭ سۋى ەگىسكە كوپ كەتكەندىكتەن 1960 جىلدان باستاپ سۋالىپ، 90 پايىزى قۇرعاپ قالعان. سونىڭ كەسىرىنەن تەڭىز ماڭىنداعى قازاقستان مەن وزبەكستاننىڭ ەكولوگيالىق احۋالى ناشارلاعان.
