شۆەيساريالىق نەيروفيزيولوگتار جاڭا نەيروچيپ جاساپ شىعاردى. ول ارقىلى سال بولىپ قالعان ادامداردىڭ ويىن وقۋعا بولادى دەپ جازادى PLOS Biology جۋرنالى.
«ءبىز تاجىريبە جاساپ كوردىك. وعان 4 ەرىكتى قاتىستى. ولار ءبىز قويعان سۇراقتارعا وي كۇشى ارقىلى جاۋاپ بەرىپ وتىردى. ەگەر بۇل ناتيجەنى قايتالاي الساق، نەيرونداردىڭ قوزعالتقىش ديسفۋنكسياسىنان جاپا شەگىپ جۇرگەن ادامداردى سويلەتە الامىز» دەدى تيۋبينگەن ۋنيۆەرسيتەتىنىڭ (گەرمانيا) ۋاكىلى نيلس بيرباۋمەر.
«قاماۋداعى ادام سيندرومى» ناقتى نەيرودەگەنەراتيۆتى اۋرۋلارى دامۋىنىڭ سوڭعىسى بولىپ ەسەپتەلەدى. ول دامىعان ۋاقىتتا ادام سىرتقى الەممەن بايلانىسىن ۇزەتىن سەكىلدى.
بيولوگتار مۇگەدەك ادامداردىڭ وي ارقىلى كيبەر-قولمەن جۇمىس ىستەۋگە ۇيرەتتى.
«قاماۋداعى ادام سيندرومىنىڭ» بەلگىلەرى كوماداعى ادامداردىڭ مي بولىگى مەن دەنەدە بولاتىن وزگەرىستەردى ەسكە سالادى. بۇعان دەيىن عالىمدار سال ادامدار ويلاپ، تاپسىرمانى شەشە الاتىن جاعدايى جوق دەپ ەسەپتەپ كەلدى.
4 ەرىكتى ادامعا تاجىريبە جۇرگىزۋ ارقىلى بيرباۋمەر مەن ونىڭ ارىپتەستەرى نەيروچيپ پەن ينتەرفەيستەر «كومپيۋتەر ميى» جۇيەسى ارقىلى ميدىڭ جىبەرگەن بەلگىلەرىن كومپيۋتەر تىلىنە تىكەلەي اۋدارا الۋ مۇمكىندىگىن تەكسەرىپ كورگىسى كەلدى.
قيىن جاعدايدا ءومىر ءسۇرىپ جاتقان ادامداردىڭ ءوزى ءومىر سۇرۋگە تالپىنىپ جاتقانىن كورگەندە، بيرباۋمەر مەن ونىڭ ارىپتەستەرى زەرتتەۋ جۇمىستارىن قارقىندى تۇردە جالعاستىرماق.
