ونىمەن قوسا 23 ميلليون تەڭگەنىڭ اشەكەيلەرى دە سۇعاناقتاردىڭ قولىندا كەتكەن ەكەن. بۇنىڭ بارلىعى ماڭداي تەر، تابان ەتىممەن تاپقان اقشا دەپ وتىر ورتالىق قازاقستان اكادەمياسىنىڭ باسشىسى، دەپ حابارلايدى كتك ارناسى.
تىلشىلەرمەن ارنايى كەزدەسكەن باقتىباي ءجۇنىسوۆ ۇيىنەن ۇرلاندى دەلىنگەن فابەرجە جۇمىرتقاسى تۋرالى دا ايتىپ بەردى. ياعني، قىزۋ تالقىلانعان جۇمىرتقا فابەرجەنىكى ەمەس، سول برەند بەينەلەنگەن مونەتا ەكەن. رەكتوردىڭ ۇيىنە تۇسكەن 3 ۇرى وتكەن ايدا 10 جىلعا دەيىن سوتتالعان بولاتىن. سۇعاناقتار 1 ميلليون 160 مىڭدى دوللارلاي جانە تالاي التىن اشەكەيدى قولدى قىلعان. ءبىراق، بۇعان قىنجىلىپ وتىرعان رەكتور جوق. جەكە ۋنيۆەرسيتەتى بار باقتىباي ءجۇنىسوۆ، ءقازىر بىرنەشە جوعارعى وقۋ ورنىمەنن قاتار قوناقۇيلەردى دە باسقارىپ وتىر.
باقتىباي ءجۇنىسوۆ، ورتالىق قازاقستان اكادەمياسىنىڭ رەكتورى:
-قوناقۇيلەرىم، كافەلەرىم بار، ونىڭ ءبارىن ەلگە جايىپ ايتا بەرمەيمىن عوي. ءوزىمنىڭ تىرلىگىم عوي. مەن اۋىلدىڭ بالاسىمىن. ماعان كوكتەن ەشتەڭە ءتۇسىپ جاتقان جوق. 2 جىلدا عانا 30 ميلليون سالىق تولەپپىن، ال مەنىڭ شارۋاشىلىقتارىم، جاڭا ساناسام 100 ميليوننان اسا سالىق تولەپتى.
