ق ر پارلامەنت ءماجىلىسىنىڭ دەپۋتاتى ۆلاديسلاۆ كوساريەۆ بيىلعى جولداۋدا كورسەتىلگەن مىندەتتەردى، اسىرەسە، اۋىل شارۋاشىلىعىن دامىتۋعا قاتىستى ماقساتتاردى قولدايتىنىن ءبىلدىردى، دەپ xابارلايدى قازاقپارات

«مەن ۇكىمەت پەن جەرگىلىكتى اتقارۋشى ورگانداردىڭ جۇمىسىنا قايران قالامىن دەپ وتىرعان جوقپىن. سەبەبى شالا جاسالعان جۇمىس كوپ. جولداۋدا كورسەتىلگەن مىندەتتەردى ورىنداۋ بارىسىندا سونىڭ بارلىعى تۇزەلەدى دەگەن سەنىم بار. ارينە، وسى ۋاقىتقا دەيىن اتقارىلعان شارالار دا جوق ەمەس»، - دەدى كوساريەۆ بۇگىن ورتالىق كوممۋنيكاسيالار قىزمەتىندە وتكەن باسپا ءسوز ءماسليxاتىندا.

باس كوممۋنيستىڭ ايتۋىنشا، بۇگىندە ماقتا، ءجۇن، تەرى سياقتى شيكىزاتتى ءوز جەرىمىزدە وڭدەۋ جۇمىسىن قولعا الۋ قاجەت. ويتكەنى شەتەلگە كەتكەن وتاندىق شيكىزات كوپ جاعدايدا ەلىمىزگە دايىن ءونىم رەتىندە ساتىلىپ جاتادى.

«پرەزيدەنت ايتتى عوي، ءبىز ەۋرازيا قۇرلىعىنا «نان كارزەڭكەسىن» ۇسىنۋىمىز قاجەت. ول ءۇشىن الدىمەن ءوز xالقىمىزدى ارزان ءارى ساپالى نانمەن قامتاماسىز ەتۋىمىز كەرەك. ايتپەسە، ءوز استىعىمىزدان دايىندالعان نانىمىز شەتەلدەگى ناننان دا قىمبات. وسىنى ەسكەرۋ كەرەك. جالپى، ازىق-تۇلىك ونىمدەرى وزىمىزگە قولجەتىمدى بولۋى قاجەت. اشىق ايتايىن، ويتكەنى مەنىڭ كوممۋنيستىك ارىم جىبەرمەيدى. ون جۇمىرتقا ءۇشىن 350 تەڭگە - بۇل تىم قىمبات باعا! دەمەك، قالا مەن اۋىل xالقىنا جەتەتىندەي تاۋىقتىڭ سانىن بارىنشا ارتتىرۋ قاجەت»، - دەپ اتاپ كورسەتتى كوساريەۆ.