بايان ەسەنتايەۆا تۋرالى جاڭالىقتار جۇرتتىڭ نازارىنسىز قالمايدى. ونىڭ جەكە ءومىرى ميلليونداعان ادامنىڭ نازارىندا. بايان ەسەنتايەۆا مەن تۇرسىنعالي الاگوزوۆ بىرىگىپ بەرگەن العاشقى سۇحباتىندا تانىستىققا ءتىس دارىگەرىنىڭ قانداي قاتىسى بار ەكەنىن، 10 ماۋسىمداعى اتىشۋلى وقيعانى قالاي باستان وتكەرگەنىن جانە العا قانداي جوسپار قويىپ وتىرعانىن ايتىپ بەردى. بۇل تۋرالى tengrinews حابارلايدى.

TENGRINEWS: سىزدەردىڭ جۇپ قىزۋ تالقىلانىپ جاتىر. ب ا ق وكىلدەرى مەن الەۋمەتتىك جەلى قولدانۋشىلارى ۇيلەنۋ تويىنىڭ ناقتى قاشان وتەتىنىن بىلگىسى كەلەدى.

بايان ەسەنتايەۆا: مەنىڭشە بۇل سۇراق ەر ادامعا قويىلدى.

تۇرسىنعالي الاگوزوۆ: ءبىز بۇل ماسەلەنى شەشىپ قويعانبىز. ال دوستارمەن، تۋىستارمەن داستارحان باسىنا جينالۋعا كەلسەك - مەنىڭشە، كوكتەمگە قاراي. كوكتەمدە، مامىردا تويلايمىز دەپ ويلايمىن.

TENGRINEWS: بايان ماقسات قىزى، كوپشىلىكتىڭ الدىندا جۇرۋگە ۇيرەنىپ قالعان شىعارسىز، ال تۇرسىنعالي، ءسىز جۇرتتىڭ نازارىنا ەندى ءتۇستىڭىز. سىزدەردىڭ كوڭىل قوسقاندارىڭىز جايلى جاڭالىقتان بۇرىن Instagram جەلىسىندە 500-گە جۋىق جازىلۋشى بولسا، ءقازىر ونداعان مىڭعا جەتتى. الايدا قازىرگى ۋاقىتتا سىن دا ايتىلا باستادى. بۇعان ءسىزدىڭ جاقىندارىڭىزدىڭ كوزقاراسى قانداي؟

تۇرسىنعالي الاگوزوۆ: كۇردەلى جاعداي. قانشاما ادام قۋانىپ جاتىر. كەيبىرەۋلەردىڭ كوڭىلى ءتۇسىپتى. ءقازىر ءدال ايتىپ سيپاتتاۋ قيىن. 

TENGRINEWS: ءبىراق جۇرتتىڭ پىكىرىن باقىلاپ وتىراسىز با؟ ءتىپتى پىكىرگە جاۋاپ بەرىپ ءجۇر ەكەنسىز.

تۇرسىنعالي الاگوزوۆ: الەۋمەتتىك جەلى - ومىرىمدەگى جاڭا پاراق. بۇل العاشقى تاجىريبە. جەلىدە پاراقشاڭ بولسا، ونىڭ دا جاۋاپكەرشىلىگى بار ەكەنىن تۇسىنەمىن. نە جازۋىڭدى، نە سويلەۋىڭدى ءتۇسىنۋىڭ كەرەك. مەن ءۇشىن تانىمال ادام بولۋ - جاڭاشا ءبىر اسەر.

TENGRINEWS: بايان ماقسات قىزى، ءسىز تاياۋدا جالا جاپتى دەپ سوتقا جۇگىنگەن ەدىڭىز.

بايان ەسەنتايەۆا: وسى ىستە بىلىكتى ەكەنىم، بۇل نارىقتا 20 جىل جۇرگەنىم جايلى كوپ ايتىلدى. ادەت دەگەن نارسە بار - سىنعا، ماقتاۋعا بايىپپەن قارايمىن. الايدا ارىپتەستەرىمنىڭ - باق-تىڭ ارەكەتىنە بايىپپەن قاراي المايمىن. سەبەبى ولار جاعىمسىز دۇنيەلەردى ەرەكشە ىقىلاسپەن تاراتادى. مەنىڭشە، بۇل قۇرمەتسىزدىك، سوندىقتان زاڭ اياسىندا ارەكەت ەتكىم كەلدى. وسى ارەكەتىمنەن كەيىن ايتىلىپ جاتقان سىن ءبىرشاما ۋاقىتقا توقتاپ قالدى. قولدانۋشىلارىمنىڭ پىكىرىن وقيمىن، ارينە. اندا-ساندا كوڭىلگە تيەتىن ءسوز ايتادى. مۇندايعا جاۋاپ قاتپاۋعا تىرىسامىن، دەسە دە ادەت، يممۋنيتەت دەگەن دە تۇسىنىك بار عوي. ءتۇسىنىپ، قولداۋ ءبىلدىرىپ جاتقاندارعا العىسىم زور. ءبىراق كەيدە جاعىمسىز پىكىر جازاتىندارعا دا جاۋاپ بەرگىڭ كەلەدى. بار ماسەلە جۇرتتىڭ الدىنداعى ادام بولعانىما بايلانىستى. (...) ماسەلە ماعان كەلگەندە مەن نەلىكتەن قوعام تاڭىپ وتىرعان ستاندارتتارمەن ءومىر ءسۇرۋىم كەرەك؟ مەن دە قاراپايىم اداممىن. جاقسى كورمەۋگە دە، جاقسى كورۋگە دە قۇقىم بار. وزگە ايەلدەردەن ايىرماشىلىعىم جوق. ءوزىمدى ەشقاشان ۇلگى دەپ اتاماعانمىن. قوعام بولسا ادال ايەل، جاقسى انا، ادال، باتىل، ءتارتىپتى بولۋ كەرەك دەگەن تۇسىنىكتەردى ۇستانۋىم كەرەك دەپ ەسەپتەيدى. ءبىراق مەنىڭ دە قاتەلەسۋگە قۇقىعىم بار. ءىسىمنىڭ دۇرىس-بۇرىستىعىن ەشكىم دە بىلمەيدى. مەن ەسسىز ۇناتىپ، ميىمدى رەتتەمەگەن بولىپ شىقتىم. الايدا كەيدە سانانىڭ جۇرەككە باعىنبايتىن ساتتەرى بولادى، ال مۇنىڭ الدىندا ءبارى دە كەرىسىنشە ەدى. ەرتەدە مەن ءاربىر قادامىمدى ەسەپتەپ، ويلاستىراتىنمىن. ءىسىمنىڭ بارلىعى دا تارازىلاناتىن ەدى. ال ەندى 42 جاسىمدا وسىنداي جاعداي بولىپ وتىر، ءوز-وزىمدى توقتاتا الماي، نە بولىپ جاتقانىن دا تۇسىندىرە المايتىن جاعداي.

TENGRINEWS: تۇرسىنعالي، وسىعان دەيىن ارىپتەستەرىمىزگە قالاي تانىسقاندارىڭىز جايلى ايتىپ بەرگەن ەدىڭىز. ەندى بايان ماقسات قىزىنىڭ اۋزىنان ەستىگىمىز كەلەدى.

بايان ەسەنتايەۆا: جۇمىس بابىمەن ءجۇرىپ تانىستىق. قۇربىم تەلەفون شالىپ، "انالار ءۇيى" جايلى سەريال تۇسىرگىسى كەلەتىن مەسەنات جىگىتتەر جايلى ايتتى. دىم دا تۇسىنبەدىم. سوندىقتان بىردەن كەلىسىم بەرمەدىم. ماعان "وتىنەمىن، جىگىتتەر تەلەفون سوعادى، تۇرسىن دەگەن" دەدى. كەلىسىم بەردىم. وسى كەزدە قوڭىراۋ شالىندى. قۇلاققا جاعىمدى ەر ادام داۋسى، ادەپپەن سويلەستى. ادەتتەگىدەي ساعات تۇسكى ەكىدە كەزدەسۋگە كەلىسىم بەردىم. بۇل وتكەن جىلدىڭ ناۋرىزى بولاتىن. كەزدەسۋدى تۇسكە دەيىنگى ۋاقىتقا قويمايتىن ەدىم. تۇرسىن كومەكشىسىمەن كەلدى. اڭگىمە بارىسىندا قالاي سەريال ءتۇسىرۋ كەرەك ەكەنى جايىندا كەڭەس سۇرادى. قانداي تەحنولوگيانى قولدانۋعا بولاتىنىن ايتىپ بەردىم. ىسكەرلىك كەزدەسۋ بولدى. 

TENGRINEWS: 10 ماۋسىمداعى وقيعا كەزىندە جەلىدە ەكەۋىڭىزدىڭ بىرگە ۇشىپ كەلگەنىڭىز جايلى قاۋەسەت تارادى. بىرگە بولدىڭىزدار ما؟

بايان ەسەنتايەۆا: ءيا، شىن مانىندە بىرگە بولدىق، مۇنى جاسىرعان دا جوقپىن، ءبىز وتكەن جىلدىڭ كوكتەمىندە تانىستىق. مەن تۇرمىستا ەدىم. ءبىراق مەن تۇرمىستاعى ءومىرىم جايلى، اجىراسقىم كەلگەنى جايلى وسىعان دەيىن دە ايتقانمىن. مۇندا مەنىڭ جەكە ءومىرىم جايلى اڭگىمە بولعان جوق. ىسكەرلىك كەزدەسۋ بولدى، ەشكىمدە "ءىس ناسىرعا شابادى" دەگەن وي بولمادى. سوسىن تۇرسىن ماعان "جاعدايىڭىز قالاي؟ ءتىس دارىگەرىنە قارالدىق" دەپ جازىپ جىبەردى. سويتسەك، ەكەۋمىز 20 جىل بويى ءبىر ءتىس دارىگەرىنە بارىپ ءجۇرىپپىز. سوسىن وسىلايشا اڭگىمەمىز جاراسىپ كەتتى.

تۇرسىنعالي الاگوزوۆ (كۇلىپ): سوسىن مەن پلومبا قاي تىسىڭىزدە تۇر دەپ سۇرادىم. 

بايان ەسەنتايەۆا: مىنە، العاشقى كەزدەسۋ ىسكەرلىك جاعدايىندا ءوتتى، ال تۇرسىن بىردەڭە سەزگەن سياقتى. 

TENGRINEWS: تۇرسىنعالي، سىزدە وتباسى جاعدايىڭىزعا قاتىستى قيىندىقتار بولدى ما؟ باسقا باسىلىمدارعا بەرگەن سۇحباتتارىڭىزدا جۇبايىڭىز جايلى ايتىپ قالدىڭىز.

تۇرسىنعالي الاگوزوۆ: بايانمەن تانىسقان كەزىمدە مەن اجىراسپاعان ەدىم. ءقازىر بولسا اجىراسۋ ۇستىندەمىن. بۇل نەگە ۇزاققا سوزىلىپ جاتقان پروسەس دەيتىن شىعارسىز، مەن - بيزنەسمەنمىن، زاڭ بويىنشا بولىنەتىن مۇلىك بار، وسىعان بايلانىستى، بانكتەرگە بايلانىستى كەيبىر ماسەلەلەر بولدى. وسىنىڭ بارلىعىن اياقتاۋعا ۋاقىت كەرەك. اقپاننىڭ سوڭىنا دەيىن ماسەلە شەشىلەدى دەپ ويلايمىن. (...) تانىسقان ادامداردىڭ 99 پايىزى نەكەدە بولادى. ءبىزدىڭ جاعدايدا دا سولاي بولدى.

TENGRINEWS: ال ەندى وسى جاعدايلاردان كەيىن، كەيبىر ادامدار بۇرىنعى كۇيەۋىڭىزگە قاتىستى قىلمىستىق ءىستى قايتا قاراۋ كەرەك دەگەن پىكىر ايتىپ ءجۇر.

بايان ەسەنتايەۆا: ول جاساعان قىلمىسى ءۇشىن بوستاندىعىنان ايىرىلدى. ءبىراق ەڭ قورقىنىشتىسى - ادامداردىڭ ونىڭ ارەكەتىن قۇپتاپ، "دۇرىس ىستەدى" دەپ جاتقانى. ياعني ادامدار كوزگە ءشوپ سالعان ايەلدى جازالاۋ كەرەك دەپ ەسەپتەيدى، وسىنى قولدايدى. دەمەك نەكەدەگى ايەلدىڭ بارلىعىن بىرەۋدى ۇناتىپ قالعانى ءۇشىن جازالايىق وندا. قوعامنىڭ قىلمىسكەردى اقتاپ، دۇرىس ىستەدى دەۋى - ۇرەي تۋعىزادى. پىشاق الا جۇگىرەتىندەردى اقتايتىن ادامدار نەگە سونشا قاتىگەز؟  

TENGRINEWS: بۇرىنعى كۇيەۋىڭىزبەن حابارلاسىپ تۇراسىز با؟

بايان ەسەنتايەۆا: مەن ارالاسپايمىن، بالالار حابارلاسىپ تۇرادى. ولارعا ەشقاشان تىيىم سالمادىم، ونىڭ ۇستىنە ول - جاقسى اكە.

TENGRINEWS: وقيعا بولعان 10 ماۋسىم كۇنى بىرگە ورالعانىڭىزدى مويىنداپ وتىرسىز. كەيبىرەۋلەر باياندى نەگە اراشالاپ المادىڭىز دەگەن سۇراق مازالايتىنىن ايتادى.

تۇرسىنعالي الاگوزوۆ: مەن باياندى ۇيىنە جەتكىزىپ سالۋدى ۇسىنعانمىن. بايان قارسى بولىپ، مەن ونى تاكسيگە وتىرعىزىپ جىبەردىم. بۇل وقيعا تاكسي جۇرگىزۋشىسىنىڭ كوزىنشە بولدى. ول ءبىرىنشى كەزەكتە قۇقىق قورعاۋ ورگاندارىنا حابارلاسۋى كەرەك ەدى. (...) ادامداردىڭ اسىرەسە دىمدى بىلمەي، تۇسىنبەي جاتىپ، قورلاۋ ءسوز ايتاتىنى كوڭىلگە تيەدى. "سەن كىنالىسىڭ" دەپ، ەش ويلانباي ايتا سالادى.

TENGRINEWS: وقيعادان كەيىن اۋرۋحانادا باياننىڭ قاسىندا بولدىڭىز با؟

تۇرسىنعالي الاگوزوۆ: ءيا، سول كۇنى ۇيگە بارىپ، بۇرىنعى ايەلىمە بار شىندىقتى ايتتىم - اجىراسۋ تۋرالى شەشىمىمدى ايتتىم. 

TENGRINEWS: نەلىكتەن ءدال ءقازىر قارىم-قاتىناستارىڭىز جايلى جاريا ەتكىلەرىڭىز كەلدى؟ بۇعان دەيىن نەگە جاسىردىڭىزدار؟ 

بايان ەسەنتايەۆا: كەزدەيسوق جاعداي ەمەس، ارينە، بارلىق مالىمەت رەسمي تۇردە مالىمدەيمىز دەگەنشە جاريالانىپ كەتتى. ءبىراق بۇل قاۋەسەت بولدى. مەن باسىم بوس ەمەس، ونىڭ ايەلى بار، 10 ماۋسىمدا اتىشۋلى وقيعا بولدى. 3-4 اي بويى جۇرتتىڭ الدىنا شىعا المادىم، وسى ۋاقىت بويى شەتەلدە بولدىق. ارينە، قارىم-قاتىناسىمىز جايلى سول كەزدە ايتۋ تۇرسىننىڭ ايەلىنە دە، مەنىڭ بۇرىنعى كۇيەۋىمە دە قۇرمەتسىزدىك بولار ەدى. ءبىراق ەندى قاۋەسەت تاراپ كەتكەن سوڭ، راستاۋدى دۇرىس دەپ شەشتىك. ءيا، از عانا ۋاقىت ءوتتى. بۇل ءۇشىن دە سىناپ جاتىر: "ەندى عانا اجىراستىڭىز، بۇل قالاي بولعانى؟" دەيتىندەر بار. اجىراسقان ادام ازاپ كورىپ، بىر-ەكى جىل قينالۋى كەرەك دەگەن ەرەجەنى قايدان شىعاردىڭىزدار. قوعامنىڭ تۇسىنىكسىز ستاندارتتارى. اركىمنىڭ جاعدايىندا ءارقالاي. (...) ادامدار ەرەجەنى بۇزۋ ءۇشىن ويلاپ تابادى. مەن اۋليە ەمەسپىن، باسقا ادامدار سەكىلدى مەنىڭ دە كۇنام بار، قاتەلىكتەرىم دە، جەتىستىكتەرىم دە بار. مەن ونىمەن وقيعادان كەيىن تانىستىم، ال كۇيەۋىم مەنى سەبەپسىز ۇرىپ-سوقتى" دەپ وتىرىك ايتقانشا، شىندىقتى ايتقان دۇرىس. مەن ەشكىمدى الداعىم كەلمەدى. مەن قانداي ەكەنىمدى ايتتىم، كورسەتتىم. ومىرىمدەگى ەرەجەلەردىڭ ءبىرى - وز-وزىمە ادال بولۋ. ال شىندىق ءارقاشان اششى. تۇرسىن باتىلدىعىن مەنەن بۇرىن كورسەتتى. "جاسىرىنعانىمىز جەتەر، "تانىس ەمەسپىز" دەۋدى، اۋەجايدان بولەك شىعۋدى توقتاتامىز" دەدى. مەن ءوز كىتابىمدا جازاتىن ماحاببات حيكاياسى بولدى.

TENGRINEWS: بىرىگىپ، دەمالىسقا بارىپ كەلدىڭىزدەر، ۇيلەنۋ تويىنا دايىندالىپ جاتىرسىزدار. بايان، وسىدان كەيىن فاميلياڭىزدى وزگەرتەسىز بە؟

بايان ەسەنتايەۆا: مەنىڭ اتىم ونسىز دا "بايانەسەنتايەۆا" بولىپ كەتتى، Instagram-داعى اككاۋنتىمدى بۇل ماقساتتا وزگەرتكەن جوقپىن. ادامدار مەن جايلى جاي عانا "بايان" دەپ سويلەمەيدى. ەندى اۋىستىرعىم كەلەدى، سەبەبى مەن ەسەنتايەۆتىڭ ايەلى ەمەسپىن. ەندى الاگوزوۆتىڭ جۇبايى بولعىم كەلەدى. بايان الاگوزوۆا بولعىم كەلەدى. ەرى مەن ايەلى ءبىر بولۋى كەرەك. بالالى بولىپ جاتساق، شەشەسى ەسەنتايەۆا، اكەسى الاگوزوۆ بولىپ جۇرگەنىمىزدى قالامايمىن.

TENGRINEWS: تۇرسىن، ءسىز جەتىستىككە جەتكەن بيزنەسمەنسىز، "باياننىڭ كۇيەۋى" دەگەن اتتان قورىقپايسىز با؟

تۇرسىنعالي الاگوزوۆ: قورىقپايمىن، مەن وزىمە سەنىمدى اداممىن. باسقاشا ويلايتىنداردىڭ سوزىمەن دە تالاسىپ جاتپايمىن. 

TENGRINEWS: ال كينوعا تۇسكىڭىز كەلمەي مە؟

بايان ەسەنتايەۆا: مەن تۇرسىنعا كينوعا تۇسەتىندەي كەسكىندى ەكەنىن ايتامىن. بىزدە 40-تان اسقان، دەنە-تۇرپاتى كەلىسكەن، بويشاڭ، سىمباتتى ەر ادامنىڭ رولىنە ادام تابىلمايدى. تۇرسىن بۇعان قاتىستى ويلانامىن دەدى. بىزدە ءبىر جاعداي بولعان، مەن تاۋەكەل ءمۇسلىمنىڭ اناسىنىڭ وبرازىن سومداۋىم كەرەك بولدى، ءبىراق اكەسىنىڭ رولىنە ادام تاپپادىق. كوپ ىزدەدىك. ناتيجەسىندە سۋرەتشى نۇرلان تورەحانوۆتى شاقىرتتىق. مەن سول كەزدە تۇرسىنعا "سىمباتتىسىڭ" دەپ ايتقانمىن. ءبىراق ول "جوق" دەدى.

تۇرسىنعالي الاگوزوۆ (كۇلىپ): ءبىراق مۇنىڭ الدىندا بايان تەگىن ءتۇسۋىم كەرەك ەكەنىن ايتقان. مەن ىسكەر ادام بولعاندىقتان "جوق" دەدىم. الايدا نەگە كينودا ءوزىمدى سىناپ كورمەسەك؟ ونىڭ ۇستىنە اكەم - مۋزىكانت، شىعارماشىلىعى ماعان ازىق بولدى. اسكەردەن ورالىپ، رەسپۋبليكا سارايىنىڭ الدىندا سەرۋەندەپ جۇرگەنىمدە ءبىر ايەل كەلىپ، فيلمگە تۇسۋگە ۇسىنىس جاساعان. سويتسەك، جۇڭگو يمپەراتورى تۋرالى فيلمدە ماسسوۆكا قاجەت بولىپتى.

TENGRINEWS: بايان ماقسات قىزى، وسىعان دەيىن استاناعا كوشەمىن دەگەن ەدىڭىز.

بايان ەسەنتايەۆا: ءقازىر جوسپارىمىزدى بىرگە تالقىلايمىز، ەر ادامنىڭ پىكىرىنە بايلانىستى. قانداي ماسەلە بولسا دا، تۇرسىنمەن اقىلداسامىن. ءقازىر دە ەر اداممەن بىرگە بىرىنشە رەت سۇحبات بەرىپ وتىرمىن. سۇحبات الدىندا ىسكەرلىك كەزدەسۋ بولدى، بيزنەستە تاجىريبەسى بار اداممەن بىرىگىپ، ءبىرىنشى رەت كەلىسسوز وتكىزدىم. ومىرىمدە بيزنەستى ۇيرەتەتىن ادام پايدا بولدى.

TENGRINEWS: "ماحاببات بەكەتى" ءفيلمىنىڭ جالعاسى تۇسىرىلەدى دەگەن دە بولجام اايتىلعان، كەشYou توبىنىڭ جاڭا قۇرامىن تانىستىراسىز دەپ تە ەستىدىك. 

بايان ەسەنتايەۆا: دەمالىستان كەشە عانا كەلدىك. قالپىما كەلۋىم ءۇشىن ۇزاق ۋاقىت قاجەت بولدى. تۇرسىن پسيحيكالىق جاعىنان ساۋ ءارى باقىتتى سەزىنۋىم ءۇشىن بار مۇمكىندىكتى جاسادى. وسى كەزەڭدە كوپ جاعداي بولدى، جارتى جىل بويى قالىپقا كەلدىك. ءفيلمنىڭ جالعاسىنا پروديۋسەرلىك ەتكىم كەلدى. جالعاسىنا اۆتورلىق قۇقىق الۋ ءۇشىن "قازاقفيلم" وكىلدەرىمەن كەلىسسوز دە جۇرگىزدىك. 

TENGRINEWS: تۇرسىن، ءسىز "انالار ءۇيىنىڭ" مەسەناتىسىز.

تۇرسىنعالي الاگوزوۆ: (...) مەنىڭ انام بالالار ۇيىندە وسكەن، ءوز اناسىنان الا الماعان جىلۋدى ويلاپ، باسقا بالالاردىڭ انا مەيىرىمىنسىز ءوسىپ جاتقانىن ايتاتىن. سوندىقتان وسى جوبانى قولداي كەتتىم. مەنىڭشە، 10 جىلدىڭ ىشىندە وسى جوبانىڭ ارقاسىندا بالاسىنان باس تارتاتىن اتا-انالار بولمايدى.

TENGRINEWS: بىرگە ورىنداعىمىز كەلەتىن جوبا مەن جوسپار كوپ. سۇحبات سوڭىندا وقىرماندارىمىزعا، قولدانۋشىلارىمىزعا نە ايتقىڭىز كەلەدى؟ سىزدەر جايلى جاڭالىق ءارقاشان قىزىعۋشىلىق تۋعىزادى، الايدا ءاردايىم جاعىمدى پىكىر عانا جازىلا بەرمەيدى. وقيعالارىڭىز ءفيلمنىڭ دايىن تۇرعان سەنارييى.

تۇرسىنعالي الاگوزوۆ: مەنىڭ ايتقىم كەلەتىنى - ءبىزدى سوگە-جامانداماڭىزدار، ادامدار باياننىڭ دا، مەنىڭ دە وتباسىما تۇسىنىستىكپەن قاراعانىن قالايمىز. بىرەۋدىڭ كوڭىلىنە تيۋ وڭاي، كوپ ادام ويلانباستان، كوڭىلگە تيەتىن ءسوز ايتادى. ءاربىر ادام سىناي الادى، ءبىراق سىننىڭ نەگىزى بولۋى كەرەك. تاياۋدا باياننىڭ پاراقشاسىنا كىرىپ كوردىم، 16 مىڭ پىكىر بار ەكەن - بۇل دەگەنىڭىز وعان بەي-جاي قاراي المايتىن 16 مىڭ ادام. جاقسى سوزدەر كوپ، جاعىمسىزى دا بار.

بايان ەسەنتايەۆا: تۇرسىن مەنىمەن تانىسقاندا "بايان، ءسىز سەريال تۇسىرەدى دەپ ەستىدىم" دەپ سۇراق قويدى. ياعني ول شوۋ-بيزنەس جايلى بىلمەگەن. سوندا مەن "ءبىزدىڭ ەلدە مەنى تانىمايتىن ادامدار دا بار ەكەن عوي" دەپ ويلادىم (كۇلدى). بۇل جاقسىلىقتىڭ نىشانى. ونىڭ الدىندا مەن سەريال تۇسىرەتىن قاراپايىم ادام عانا بولدىم.
اڭگىمەلەسكەن اسەمگۇل قاسەنوۆا.

فوتو: ۆلاديمير دميترييەۆ.