قازاق ءتىلدى سايتتاردىڭ قاتارىنا جاقىندا قوسىلعان oinet.kz سايتىنا ساقا جۋرناليست ەرىك راحيموۆ باس رەداكتورى بولىپ كەلدى. ءبىرىنشى اقپاننان باستاپ اتالعان سايتقا باس رەدكتورلىق قىزمەت اتقاراتىن ەرىك راحيموۆ الەۋمەتتىك جەلىدە بىلاي دەپ جازدى:

"وي-پىكىرىمىز بەن كوزقاراسىمىز عانا ەمەس، ومىرلىك ۇستانىمدارىمىز دا ءبىر ارناعا توعىسىپ جاتقاندىقتان، ءوزىم ەرەكشە قۇرمەتتەيتىن ازاماتتاردىڭ كەزەكتى ءوتىنىشىن جەرگە تاستامادىم. يلەگەنىمىز ءبىر تەرىنىڭ پۇشپاعى بولسا، ايانىپ قالۋعا سىلتاۋ بار ما؟ ونىڭ ۇستىنە، «كوگالدى قۋىپ گولايتتاپ» جۇرە بەرەتىن دە زامان ەمەس...
«وينەت.كز» سايتى ءۇشىن «جازۋعا بولمايتىن» تاقىرىپ جوق. از ۋاقىتتا وزىندىك قولتاڭباسى قالىپتاسىپ ۇلگەرگەن سايتقا وسىنداي مىنەز جاراسسا كەرەك-تى. سوندىقتان، ساۋاتتى ءھام باتىل جۋرناليستەردى جانە ساراپشىلاردى سايتتىڭ اۆتورى بولۋعا شاقىرامىن. جازا الماساڭىز – سىزگە سەرت، جاريالاي الماساق – بىزگە سەرت.
قازاق جۋرناليستيكاسىنىڭ ۇستاحاناسى اتانعان «جاس الاشتا» ءبىر مۇشەل ۋاقىت ءجۇرىپ جيعان-تەرگەن تاجىريبە مەن ءبىلىمدى الداعى ۋاقىتتا سايتتىڭ وركەندەۋىنە جۇمساماقپىز. 
ەندەشە، «ىسكە ءسات!» دەڭىز، پاتشا كوڭىلدى دوس-جاران!"، - دەپ جازدى جاڭا قىزمەتى تۋراسىندا ەرىك راحيموۆ.