WhatsApp مەسسەندجەرىنىڭ نەمىس قولدانۋشىلارى Facebook كومپانياسىن سوتقا بەردى دەپ حابارلايدى reactor.inform.kz. ولار WhatsApp قولدانۋشىلارىنىڭ جەكە اقپاراتىن ساقتاپ، ونى جاريا ەتەتىنىن ءبىلىپ، نارازىلىق ءبىلدىردى.

اتالمىش مەسسەندجەر Facebook كومپانياسىنا تيەسىلى. العاش رەت وتكەن جىلدىڭ تامىز ايىندا WhatsApp قولدانۋشىلارىنىڭ جەكە مالىمەتتەرىن ولاردىڭ رۇقساتىنسىز تاراتقانى بەلگىلى بولدى.

مەسسەندجەر Facebook اككاۋنتىنا تىركەلگەن. سوندىقتان الەۋمەتتىك جەلى قولدانۋشىسىنىڭ ءاتى-جونى، تەلەفون نومەرى، تۋعان جىلى ت.ب اقاپاراتقا قولجەتىمدىلىگى بار.

ساراپشىلاردىڭ پايىمداۋىنشا وسىلايشا Facebook الەۋمەتتىك جەلىسىندە بايلانىس تەلەفونىنداعى ادامدار تۋرالى اقپارات پايدا بولادى. نەمىس قولدانۋشىلارى تۇتىنۋشىلار ۇيىمدارىنىڭ فەدەراسياسىنا جەكە مالىمەتتەرىن ءمالىم ەتكەنى ءۇشىن  شاعىمدانعان. ناتيجەسىندە سوتقا شاعىم ءتۇستى. وندا Facebook-تاعى جەكە اقپاراتپەن الماسۋ جاسىرىن بولعانىن جانە جەلى قولدانۋشىلارىنىڭ رۇقساتىنسىز الىنعان مالىمەتتەردى ءوشىرۋدى تالاپ ەتىپ وتىر.

WhatsApp وكىلدەرى تۇتىنۋشىلىق كەلىسىمدە جەكە مالىمەتتەردى جاريالاۋعا رۇقسات ەتىلگەنىن ايتىپ وتىر.