ۇكىمەتتىڭ كەڭەيتىلگەن وتىرىسىندا پرەزيدەنت نۇرسۇلتان نازاربايەۆ ۇلتتىق بانكتىڭ ءتوراعاسى دانيار اقىشيەۆتى تولىقتاي قولدايتىنىن جەتكىزدى، دەپ حابارلايدى «قامشى» پورتالى.

«وتكەن جىل وتە اۋىر بولعانىنا قاراماستان، ۇلتتىق بانك جاقسى جۇمىس ىستەدى. ەندى بانكتىڭ مۇمكىندىكتەرىن زاڭ ارقىلى كۇشەيتۋدى تاپسىرىپ وتىرمىن. وسىنداي قۇقىق بەرۋ كەرەك. ۇلتتىق بانكتىڭ جۇمىسىنا كيلىگۋدى ەلدىڭ قارجى سالاسىنا كيلىگۋ دەپ ساناپ جازالاۋ كەرەك. كورىپ وتىرمىن، ۇلتتىق بانك تارتىپكە كەلتىرگەن سايىن ۇلتتىق بانكتىڭ ءتوراعاسى شابۋىل كۇشەيىپ جاتىر. مۇنى وسى زالدا وتىرعان اكسيونەرلەر مەن دەمەۋشىلەر جاساۋدا» دەدى نۇرسۇلتان نازاربايەۆ. ول رەتكە كەلتىرۋگە كەدەرگى جاساۋشىلارعا شارا قولدانىلاتىنىن ايتتى.

«بۇعان گازەتتەر مەن جۋرناليستەر ەمەس، سونىڭ يەلەرى كىنالى. ءبىز رەتتەۋگە كەدەرگى كەلتىرەتىندەرگە شارا قولدانامىز. بانكتەر ءالسىز. بار-جوعى 4 بانك بانكتىڭ 80 پايىز اكسياسىن ۇستايدى، قالعاندارى 26 پايىز، كەيبىرىندە ءتىپتى 1 پايىز دا جوق. داعدارىس بولعان كەزدە، ءىرى كومپانيالار ادەتتە بىرىگەدى. بىرىكسىن، اكسيونەرلەر بانكىن ساقتاپ قالعىسى كەلسە، ءوز اكسيالارىن ورتاعا شىعارسىن. بانكتى ساقتاۋدىڭ باسقا امالى جوق. ولار ەكونوميكاعا كەرەك ەمەس، دەمەك جۇمىس ىستەۋىنە دە قاقى جوق. دۇرىس قوي؟ مىنە، ەشكىمنەن قورىقپا! جۇمىسىڭدى ەركىن ىستەي بەر! ءبارى زاڭ بويىنشا، ورنىمەن. بىرەۋ ارالاسسا، ماعان فاميلياسىن ايت»، — دەدى نازاربايەۆ.