قىتايداعى «I am a singer» بايقاۋىنا قاتىسىپ، داۋسىمەن الەمدى تاڭ قالدىرعان ديماش قۇدايبەرگەنوۆتى تانىمال ءانشى لارا فابيان كەزدەسۋگە شاقىردى.
بۇل حاباردى ديماشتىڭ دوسى ءارى PR-مەنەدجەرى الپامىس شاريموۆ جەتكىزدى.
«بۇگىن بىزدە قۋانىشتى جاڭالىق! ديماشتىڭ ءانىن عالامتوردان تىڭداعان اتاقتى ءانشى لارا فابيان ادەمى تىلەكتەرىن ءبىلدىردى. ديماشتىڭ داۋىسىنا تاڭقالىسىن جاسىرماي، كەزدەسۋگە شاقىردى!»، - دەپ جازدى الپامىس ءوزىنىڭ ينستاگرامداعى پاراقشاسىندا ءسۇيىنشى سۇراپ.
ولارعا ل.فابياننىڭ سازگەرى فلابيەن حابارلاسىپ، لارامەن ۋاتساپ مەسسەندجەرى ارقىلى سويلەسكەن ديالوگىن جىبەرگەن. ءقازىر كەزدەسۋ جايلى كەلىسسوزدەر جۇرگىزىلىپ جاتىر. الپامىستىڭ ايتۋىنشا، بۇل ديالوگتى دا فلابيەننىڭ رۇقساتىمەن جاريالاپ وتىر:
فلابيەن: قازاقستاندىق مىنا ءانشى جىگىتتى ەستىپ كوردىڭ بە؟
لارا: ءيا، تاڭقالارلىق!
فلابيەن: ونىڭ داۋىس مۇمكىندىگىنىڭ كەڭدىگى وتە عاجايىپ!
لارا: ءان ورىنداۋ شەبەرلىگى وتە بيىك دەڭگەيدە! مىقتى داۋىس! فلابيەن: ونىمەن كەزدەسسەك قالاي بولادى؟
لارا: نەگە كەزدەسپەسكە؟
ەسكە سالا كەتسەك، حۋنان تەلەارناسىنىڭ ەفيرىنەن كورسەتىلگەن «I am a singer» بايقاۋىنىڭ 3-كەزەڭىندە ديماش ءۇشىنشى ورىندا يەلەنگەن بولاتىن. 10 كەزەڭنەن تۇراتىن بايقاۋدا ديماش جالپى ەسەپتە ءبىرىنشى ورىندا تۇر.
پىكىر قالدىرۋ