جامبىل وبلىسىندا 8 سىنىپ وقۋشىسى "سينيي كيت" دەگەن ءولىم ويىنىنىڭ تاپسىرمالارىن ورىنداپ جۇرگەن، - دەپ حابارلايدى Tengrinews.kz 

ول الەۋمەتتىك جەلىلەرگە جاسالعان باقىلاۋ كەزىندە تابىلعان.

بالا "ۆكونتاكتە" الەۋمەتتىك جەلىسىندەگى پاراقشانىڭ بەلگىسىز اكىمشىسىنىڭ ەندىگى ەكى تاپسىرماسىن ورىنداپ ۇلگەرگەن. "تاپسىرما ءقاۋىپسىز كورىنگەنىمەن، بەلگىلى ءبىر اۋەندى بىرنەشە ساعات بويى تىڭداۋ، قولىنا كيتتىڭ سۋرەتىن سالۋ - ەركىن باعىندىرۋعا، ساناعا اسەر ەتۋگە باعىتتالعان، ال كەيىن وسى ارقىلى ءولىم كۋلتىن ۇيىتۋ ماقساتى بار. قازىرگى ۋاقىتتا بالالارمەن جانە اتا-انالارىمەن پسيحولوگتار جۇمىس ىستەپ جاتىر، وبلىس مەكتەپتەرىندە سۋيسيدكە بەيىمى بار بالالاردى انىقتاۋ بويىنشا تەست جۇرگىزىلىپ جاتىر. ءتۇسىندىرۋ جۇمىستارى جۇرگىزىلىپ جاتىر"، - دەپ حابارلادى پروكۋراتۋرا وكىلدەرى.

مۇنىڭ الدىندا ق ر ىشكى ىستەر مينيسترلىگى جەلىدە تاراپ جاۇرگەن "ءولىم ويىندارىنا" قارسى جۇرگىزىلىپ جاتقان شارالار جايىندا ايتىپ بەرگەن بولاتىن. 

"سوڭعى كەزدەرى الەۋمەتتىك جەلىلەردە ءسۋيسيدتى ناسيحاتتايتىن "سينيي كيت"، "تيحيي دوم" توپتارى تاراپ جاتىر. ويىنعا كىرگەن بالالار تاپسىرمالار ورىنداۋى قاجەت، ونىڭ ىشىندە تامىرىڭدى كەسۋ كەرەك جانە قولىڭا كيتتىڭ سۋرەتىن سالۋ كەرەك دەگەن سياقتى تاپسىرمالاردى ورىنداۋ قاجەت، سوڭىندا ولار وزدەرىنە قول جۇمساۋى ءتيىس. سونىمەن قاتار، ويىن مودەراتورلارى ويىنشى تۋرالى مالىمەتتەردى ءبىلىپ وتىرادى. وسى ارەكەت بويىنشا ق ر قىلمىستىق كودەكسىنىڭ 105-بابى، 6-بولىگى ("ءجابiرلەنۋشiنi قورقىتۋ، وعان قاتىگەزدiكپەن قاراۋ نەمەسە ونىڭ ادامي قادىر-قاسيەتiن ۇنەمى قورلاۋ ارقىلى ادامدى ءوزiءن-وزi ءولتiرۋگە دەيىن نەمەسە ءوزiءن-وزi ءولتiرۋگە بارۋعا دەيiن جەتكiزۋ") تەرگەۋ جۇرگىزىلەدى"، - دەگەن ەدى مەملەكەتتىك ءتىل جانە اقپارات دەپارتامەنتىنىڭ ديرەكتورى الماس سادۋبايەۆ.

ەسكە سالايىق، "وتباسى جانە وتباسىلىق قۇندىلىقتاردى قولداۋ بويىنشا قازاقستاندىق اتا-انالاردىڭ قاۋىمداستىعى" رەسپۋبليكالىق قوعامدىق ۇيىمى ازاماتتاردى بالالارىن ولىمگە اپاراتىن "سينيي كيت" (تيحيي دوم") دەپ اتالاتىن ويىنىنان قاۋىپسىزدەندىرۋگە شاقىردى. 

قاراعاندىلىق 19 جاستاعى بويجەتكەن وز-وزىنە قول سالعان، وعان «كوك كيت» سۋيسيدتىك توبىنىڭ قاتىسى بولۋى مۇمكىن دەگەن بولجام بار، - دەپ حابارلايدى «قامشى».

قايتىس بولعان قىزدىڭ تۋىسى گالينا سيبيرياكوۆا ويىننىڭ تاپسىرمالارىن ورىنداۋ ءۇشىن قىزدىڭ ءوز-وزىن ولتىرگەنىن ايتىپ وتىر.

 «قارىنداسىم «كوك كيت» ءقاۋىپتى ويىننىڭ سالدارىنان وزىنە قول جۇمسادى دەپ كۇدىكتەنەمىن. بۇل جانتۇرشىگەرلىك ويىندى «تىنىش ءۇي» دەپ تە اتايدى.. مودەراتور جەتكىنشەك ورىنداۋى ءتيىس تاپسىرمانى بەرەدى. مىسالى، ۇستارانىڭ جۇزىمەن قولىنا كيتتىڭ سۋرەتىن سالۋ. ال، سوڭعى تاپسىرما - ولىمگە الىپ كەلەدى»، - دەدى اعاسى مارات.

بويجەتكەن ۆاننانىڭ تۇتقاسىنا 6 اقپان كۇنى تۇندە اسىلىپ قالعان. ول كەزدى ءۇي ءىشىنىڭ ءبارى ۇيىقتاپ جاتقان ەكەن. اتا-انالارى ءتۇن ىشىندە قىزىنىڭ ويانىپ، ۆانناعا كىرگەنىن ەستىگەن. ونىڭ ءولى دەنەسىن تاڭعى بەس جارىمدا تاپقان.

«ونىڭ تەلەفونىن بۇعاتتان اشقان كەزدە «كوك كيت» جانە «تىنىش ءۇي»، 4:20، «مەن ويىندامىن دەگەن سوزدەردى تاپتىق»، - دەپ مالىمدەدى مارات.

ءقازىر ىسپەن پوليسيا اينالىسۋدا.

اسسوسياسيا ماماندارى وسى ويىننىڭ الەۋمەتتىك جەلىدە ەگجەي-تەگجەيلى قالاي وينالاتىنى شىققاننان كەيىن ەسكەرتەدى. ۆكونتاكتە جەلىسىندە "سينيي كيت" جانە "تيحيي دوم" توپتارىندا بالالار مەن جاسوسپىرىمدەردى وسىلاي اتالاتىن ويىنعا شاقىرادى ەكەن. قولدانۋشىلاردىڭ ايتۋىنشا، ويىنعا كىرگەن بالالار 50 تاپسىرما ورىنداۋى قاجەت، ونىڭ ىشىندە تامىرىڭدى كەسۋ كەرەك جانە قولىڭا كيتتىڭ سۋرەتىن سالۋ كەرەك دەگەن سياقتى تاپسىرمالاردى ورىنداۋ قاجەت، سوڭىندا ولار وزدەرىنە قول جۇمساۋى ءتيىس. فينالدىق تاپسىرما مىندەتتى تۇردە ورىندالۋى كەرەك، ايتپەسە ۇيىمداستىرۋشىلار بالانىڭ تۋىستارىن ولتىرەمىز دەپ قورقىتادى ەكەن.