بۇعان دەيىن سپورتشىمىز ەكى قولا، ءبىر كۇمىس جانە ءبىر التىن جۇلدە جەڭىپ العان ەدى.

قازاقستاندىق شاڭعىشى اننا شيەۆچەنكو الماتىدا ءوتىپ جاتقان 28ء-شى قىسقى ۋنيۆەرسيادا ويىندارىندا ءوزىنىڭ بەسىنشى جۇلدەسىن جەڭىپ الدى، دەپ حابارلايدى Vesti.kz پورتالى.

شيەۆچەنكو 15 شاقىرىمعا ماسس-ستارت باسەكەسىندە مارە سىزىعىن ءۇشىنشى بولىپ كەسىپ، قولا جۇلدە ەنشىلەدى. وتانداسىمىز ۇزدىك كورسەتكىشكەن يە بولعان رەسەيلىك ليليا ۆاسيليەۆادان 7.8 قالىپ قويدى. ەكىنشى ورىندى بۇل جارىستا ەكىنشى ءبىر رەسەيلىك اننا نەچايەۆسكايا (+2.0) الدى.

بۇل باسەكەگە سىنعا تۇسكەن وتانداستارىمىزدىڭ اراسىندا ولگا مادريكا (+48.1) بەسىنشى، انگەليكا شۋرىگا (+1:48.2) سەگىزىنشى، مارينا ماتروسوۆا (+3:05.4) توعىزىنشى بولىپ مارە سىزىعىن كەستى.

ايتا كەتەيىك، بۇل جۇلدە اننا شيەۆچەنكو ءۇشىن ۋنيۆەرسيادا ويىندارىندا جەڭىپ العان بەسىنشى جۇلدەسى. بۇعان دەيىن سپورتشىمىز ەكى قولا، ءبىر كۇمىس جانە ءبىر التىن جۇلدە جەڭىپ العان ەدى.