2017 جىلدىڭ 8 اقپانىندا ساعات 18:50-دە «قازاقستان» جانە «Kazsport» تەلەارنالارى 28ء-شى بۇكىلالەمدىك قىسقى ۋنيۆەرسيادا ويىندارىن تىكەلەي ەفيردە كورسەتەدى. ۋنيۆەرسيادا ويىندارىنىڭ جابىلۋ سالتاناتى 1،5 ساعاتقا سوزىلىپ،  «الماتى -ارەنا» كەشەنىندە  وتەدى. كورەرمەندەر قىزىقتى وقيعالارعا تولى شوۋ- باعدارلاما تاماشالايتىن بولادى. سونداي-اق، اتالمىش شاراعا قازاقستان ەستراداسىنىڭ جۇلدىزدارى قاتىسادى.

جابىلۋ سالتاناتىنداعى قىزىقتى ساتتەردىڭ ءبىرى – كەلەسى ۋنيۆەرسيادا ويىندارىنىڭ ەفستافەتاسىن قابىلداپ الاتىن كراسنويارسك قالاسىنىڭ «ۆيزيتتىك كارتاسى» بولماق. وسى ەلەۋلى وقيعاعا بايلانىستى، شاراعا كراسنويارسك قالاسىنىڭ باسشىلىعى مەن شىعارماشىلىق توبىنان تۇراتىن دەلەگاسيا قاتىسادى.

«قازاقستان» رترك» اق – الماتىدا وتكەن 28ء-شى بۇكىلالەمدىك قىسقى ۋنيۆەرسيادا ويىندارىنىڭ رەسمي اقپاراتتىق سەرىكتەسى.

تەلەراديوكورپوراسيانىڭ قۇرامىنا كىرەتىن «Kazsport» تەلەارناسى ۋنيۆەرسيادانىڭ باس حابار تاراتۋشىسى جانە ۋنيۆەرسيادا الاۋ ەستافەتاسىنىڭ رەسمي تاراتۋشىسى. «Kazsport» تەلەارناسىنىڭ قىسقى ويىنداردان حابار تاراتۋى قازاقستاننىڭ بارلىق وبلىس ورتالىقتارىندا وتكەن الاۋ جاعۋ سالتاناتىنان باستالعان بولاتىن.  

ۋنيۆەرسيادانىڭ جابىلۋ سالتاناتىن «قازاقستان» رترك» اق قۇرامىنا كىرەتىن اقپاراتتىق رەسۋرستاردىڭ بارلىعى تاراتادى. ونىڭ ىشىندە رەسپۋبليكالىق ارنالار مەن راديولاردان بولەك 14 ايماقتىق فيليال بار. كورپوراسيا سايتىنىڭ ارنايى https://kaztrk.kz/kz/Universiade2017 ايدارىنان اقپارات بەرىلىپ وتىرادى.

ايتا كەتسەك، قازاقستان قۇراماسى مەدالدار سانى بويىنشا جالپى ەسەپتە ەكىنشى ورىندى ساقتاپ قالدى. قۇراما قورجىنىندا 11 التىن، 6 كۇمىس، 11 قولا جۇلدە بار. ۋنيۆەرسيادا چەمپيوندارى: شاڭعىشى يۆان ليۋفت، الينا رايكوۆا، فريستايلشىلار باعلان ىڭكاربەك پەن جانبوتا الدابەرگەنوۆا، شاڭعىشى گالينا ۆيشنيەۆسكايا، ارالاس كوماندالىق سپرينتتە ۇزدىك شىققان اننا شيەۆچەنكو مەن ولجاس كليمين، مانەرلەپ سىرعاناۋشى دەنيس تەن جانە فريستايلشىلار يۋليا گالىشيەۆا مەن دميتريي رەيحەرد.

جابىلۋ سالتاناتىنىڭ شارىقتاۋ شەگى – FISU جالاۋىن كەلەسى فورۋم استاناسى  – كراسنويارسك قالاسىنا بەرۋ ءساتى بولماق. كورىنىس جاستار ۇيىمشىلدىعى مەن قازاقستان حالقى بىرلىگىنىڭ جارقىن سيمۆولىنا اينالادى.