ۋكراينانىڭ جوعارعى راداسى سپيكەرى اندرەي پارۋبيي دەپۋتاتتاردى پارلامەنتتە تەك ۋكراين ءتىلىن قولدانۋعا شاقىردى دەپ جازدى BBC ورىس قىزمەتى.
«بارشا حالىق دەپۋتاتتارىن مەملەكەتتىك ءتىلدى قۇرمەتتەۋگە ءارى جوعارعى رادا مىنبەرىنەن تەك ۋكراين تىلىندە سويلەۋدى تالاپ ەتەمىن»، - دەدى ول.
ول بۇلاي دەپ تالاپ ەتەر الدىندا «وپپوزيسيالىق بلوكتىڭ» وكىلى ناتاليا كوروليەۆسكايا زەينەتاقى تۋرالى زاڭ جوباسىندا ورىسشا سويلەگەن.
كوروليەۆسكايا ءسوزىن ورىس تىلىندە جالعاستىرعان، ال قالعان دەپۋتاتتار سپيكەردىڭ ءسوزىن قولداعان.
سالدەن سوڭ «وپپوزيسيالىق بلوكتىڭ» تاعى ءبىر وكىلى الەكساندر دولجەنكوۆ ورىسشا سويلەگەن. پارۋبيي بولسا وعان ەسكەرتۋ جاساعان. «كونفليكت جوق جەردە جاساماڭىز، ۋكراينادا جالعىز عانا مەملەكەتتىك ءتىل بار، بۇل ۋكراين ءتىلى»، - دەگەن سپيكەر ءوز سوزىندە.
قاڭتار ايىندا رادا «مەملەكەتتىك ءتىل» تۋرالى زاڭدى قابىلداعان. وعان ساي بارلىق مەملەكەتتىك بيلىك ورىندارىندا جانە قوعامدىق ومىردە، سونداي-اق ب ا ق مەملەكەتتىك ءتىلدى قولدانۋى ءتيىس. زاڭ بۇزىلعان جاعدايدا ايىپپۇل سالىنادى. ال، رەسمي تۇردە كوپتىلدىك ەنگىزۋگە تىرىسقاندارعا قىلمىستىق ايىپ تاعىلادى.
ۋكراينادا ءالى كۇنگە دەيىن «مەملەكەتتىك ءتىل ساياساتى تۋرالى زاڭ» قولدانىلىپ كەلەدى. وعان ساي، ايماقتاردا حالقىنىڭ 10% ۇلەسى ورىس بولعان جاعدايدا ورىس ءتىلى وڭىرلىك ءتىل رەتىندە قولدانىلادى. ۋكراينا بيلىگى بۇل زاڭنىڭ كۇشىن جويۋعا ارەكەت ەتىپ جاتىر.
2011 جىلدىڭ جەلتوقسانىندا كييەۆ اۋداندىق اكىمشىلىك سوتى جوعارعى رادادا ورىس ءتىلىن قولدانۋعا تىيىم سالماي قويعان. ول كەزدە ۋكراينا پرەزيدەنتى ۆيكتور يانۋكوۆيچ بولعان.
