|
قازاقستاندىق بياتلونشىلاردىڭ دوپينگ سىناماسى اۆستريادا الىندى. قازاقستاندىق سپورتشىلار توقتاعان قوناق ۇيدە 8 اقپاندا تەكسەرۋ جۇمىستارى جۇرگىزىلىپ، تىيىم سالىنعان پرەپاراتتار تابىلعان دەپ حابارلايدى prosports.kz. ولار اۆستريا ۇلتتىق دوپينگكە قارسى ۇيىمىنا (NADA) تاپسىرىلىپ، قازاقستاندىق سپورتشىلار دوپينگ سىناماسىن وتكىزگەن. دوپينگ سىناماسى تەرىس ناتيجە كورسەتتى. بۇل تۋرالى مادەنيەت جانە سپورت ءمينيسترى ارىستانبەك مۇحامەدي ۇلى حابارلادى. |
«سىنامالار اۆستريادا الىنعان. ءبىز كەشە دوپينگكە قارسى ۇيىمنان الدىن-الا حابارلاما الدىق. ولار ءبىزدىڭ سپورتشىلاردىڭ سىناماسى تەرىس ناتيجە كورسەتكەنىن ايتتى. ءقازىر ءبىز WADA-دان رەسمي حات كۇتۋدەمىز»، — دەدى مۇحامەدي ۇلى.
