بۇگىن كەشكى ساعات 20:20-دا ديماش قۇدايبەرگەنوۆ اقتوبە اۋەجايىنا توقتايدى. الەمدى اۋزىنا قاراتقان ءانشىنى وبلىس اكىمى بەردىبەك ساپاربايەۆ ءوزى كۇتىپ الماق دەپ حابارلايدى qamshy.kz. بۇل تۋرالى فەيسبۋك قولدانۋشىسى قۋات ءابىلقايىر ءوزىنىڭ الەۋمەتتىك جەلىسىندە حابارلادى:
"قۇرمەتتى اقتوبەلىكتەر! ءبىزدىڭ ۋاقىتپەن كەشكى ساعات 19:20-دە (استانا ۋاقىتىمەن 20:20) ءانشى جەرلەسىمىز ديماش قۇدايبەرگەنوۆ جۇڭگو تىلشىلەرىمەن بىرگە ۇشىپ كەلەدى. اۋەجايدان قارسى الۋعا وبلىس اكىمى ب.ساپاربايەۆتىڭ ءوزى بارادى. سونىمەن قاتار، ديماشتىڭ تىڭدارماندارى مەن قالا جاستارى بولادى. بارايىق! بارىمىزدى باعالايىق!"
