شىعىس قازاقستان وبلىسىندا جوعالعان تىكۇشاق اياگوز قالاسىنان سولتۇستىك باتىسقا قاراي 60 كم جەردەن تابىلدى، دەپ حابارلايدى تجك-نىڭ باسپا ءسوز قىزمەتى.
اپات بولعان جەردى بۇگىن الماتى وبلىسىنان ىزدەۋگە اتتاندىرىلعان جەكە كومپانيانىڭ مي-2 تىكۇشاعى تاپتى. مي-2 ايعىز اۋىلىنىڭ ماڭىن اينالىپ ۇشىپ جۇرگەن بولاتىن. «قازاەروناۆيگاسيانىڭ» مالىمەتىنشە، جوعالعان تىكۇشاق اياگوز قالاسىنان سولتۇستىك باتىسقا قاراي 60 كم جەردەن تابىلدى. ولاردىڭ حابارلاۋىنشا، ۇشقىش قازا تاپقان. ءبىر جولاۋشى امان قالعان، ونى ايعىز اۋىلىنا جەتكىزەدى. ال بورتتاعى ءۇشىنشى ادام تۋرالى اقپارات ناقتىلانۋدا. شااجقج مەن شقو تجد قۇتقارۋشىلارى جەر بەتىمەن اپات ورنىنا بارا جاتىر. كولىك قوزعالىسىنا اۋا رايى قولايسىزدىعى مەن جولدىڭ بولماۋى كەدەرگى كەلتىرۋدە.
ەسكە سالا كەتسەك، كەشە كەشكە جەكە ادامعا تيەسىلى س-341 تىكۇشاعىنىڭ ۇشقىشى بايلانىسقا شىقپاي قالدى. جەكە مەنشىكتەگى س-341 تىكۇشاعى كەشە ءۇرجار اۋدانىنداعى قوجا اۋىلىنان ۇشىپ شىعىپ، اياگوز اۋدانىنداعى اقشاتاۋ اۋىلىنا قونۋى كەرەك بولعان. كۋاگەرلەر تىكۇشاقتىڭ ايعىزدىڭ ۇستىنەن ۇشقانىن كورگەن. الايدا جەتەر جەرىنە جەتپەگەن. 25 اقپاندا ساعات 18.30-دا پيلوت بايلانىسقا شىقپاعان. ونى ىزدەۋگە بۇگىن تاڭەرتەڭ وبلىس ورتالىعىنان بورتىندا قۇتقارۋشىلار توبى جانە شقو تجد باسشىسىنىڭ ورىنباسارى بار مي-8، سەمەي قالاسىنان مي-17 اسكەري تىكۇشاعى ۇشىپ شىقتى. شقو تجد داعدارىس ورتالىعىندا جانە اياگوز اۋدانىندا جەدەل شتاب قۇرىلدى. ىزدەستىرۋ جۇمىستارىنا شقو تجد جەكە قۇرامىنان جانە اۋداندىق ءىىب 29 ادام مەن 4 تەحنيكا جۇمىلدىرىلدى. جەرىگىلىكتى اتقارۋ ورگانىنان 10 ادام جانە 5 تەحنيكا شىقتى.
