شىعىس قازاقستان وبلىسىندا اپاتقا ۇشىراعان جولاۋشىلار تىكۇشاعى سەمەي قالاسىنىڭ بۇرىنعى اكىمى قايرات تۇرلىحانوۆتىڭ ايەلى - عافۋرا تۇرلىحانوۆاعا تيەسىلى بولعان، - دەپ حابارلايدى ق ر يدم ازاماتتىق اۆياسيا كوميتەتىنىڭ وكىلدەرى.

2009 جىلدىڭ 27 تامىزىندا قۇراستىرىلعان "سترەكوزا 7-Gazelle SA341" تىكۇشاعىنىڭ زاۋىتتان شىققان ءنومىرى - ەيەۆس.02.0325. بورت ءنومىرى - UP-LA246، ۇشۋ سالماعى: 1800. 2016 جىلدىڭ 22 جەلتوقسانىندا تىكۇشاق 1087 نومىرىمەن قازاقستاندا تىركەلدى. ۇشۋ جارامدىلىعىنىڭ مەرزىمسىز سەرتيفيكاتى 2016 جىلدىڭ 23 جەلتوقسانىندا بەرىلدى. جالپى ماقساتتا پايدالانۋعا رۇقسات ەتىلگەن. 

تىكۇشاق تۇرلىحانوۆا عافۋرا مۇحاتبەكقىزىنا تيەسىلى. ول سەمەيدىڭ اكىمى، ق ر قاۋىپسىزدىك كەڭەسى حاتشىسىنىڭ جانە ق ر كولىك جانە كوممۋنيكاسيا ءمينيسترىنىڭ كەڭەسشىسى، وسى مينيسترلىكتىڭ كولىك باقىلاۋ كوميتەتىنىڭ ءتوراعاسى بولعان. اشىق اقپارات كوزدەرىندە سوڭعى جۇمىس ورنى رەتىندە "ۆوكزال-سەرۆيس" اق پرەزيدەنتى دەپ كورسەتىلگەن.

  ەسكە سالايىق، جەكە مەنشىكتەگى س-341 تىكۇشاعى كەشە ءۇرجار اۋدانىنداعى قوجا اۋىلىنان ۇشىپ شىعىپ، اياگوز اۋدانىنداعى اقشاتاۋ اۋىلىنا قونۋى كەرەك بولعان. كۋاگەرلەر تىكۇشاقتىڭ ايعىزدىڭ ۇستىنەن ۇشقانىن كورگەن. الايدا جەتەر جەرىنە جەتپەگەن. 25 اقپاندا ساعات 18.30-دا پيلوت بايلانىسقا شىقپاعان. ىزدەۋ شارالارى بارىسىندا تىكۇشاق اياگوز قالاسىنان سولتۇستىك-باتىسقا قاراي 60 شاقىرىم جەردەن تابىلعان. ونى ىزدەۋگە وبلىس ورتالىعىنان بورتىندا قۇتقارۋشىلار توبى جانە شقو تجد باسشىسىنىڭ ورىنباسارى بار مي-8، سەمەي قالاسىنان مي-17 اسكەري تىكۇشاعى ۇشىپ شىقتى. شقو تجد داعدارىس ورتالىعىندا جانە اياگوز اۋدانىندا جەدەل شتاب قۇرىلدى. ىزدەستىرۋ جۇمىستارىنا شقو تجد جەكە قۇرامىنان جانە اۋداندىق ءىىب 29 ادام مەن 4 تەحنيكا جۇمىلدىرىلدى. جەرىگىلىكتى اتقارۋ ورگانىنان 10 ادام جانە 5 تەحنيكا شىقتى.