جۇڭگو يسلام قوعامى(伊斯兰教协会) بۇدان بىلاي تەك ەكسپورتقا شىعاتىن بەلگىلى ءبىر ونىمدەردەن باسقا ونىمدەردىڭ بىردە-بىرىنە حالا ستاندارتىن سەرتيفيكاسيا جۇمىسىن توقتاتاتىنىن مالىمدەدى دەپ حابارلايدى «قامشى» پورتالى.

«تيەسىلى ورگانداردىڭ حالال ازىقتاردى باسقارۋدى كۇشەيتۋىنە ساي، «حالال(清真.مۇسىلمانشا)» ۇعىمىنىڭ جالپىلانىپ كەتۋىنىڭ الدىن الۋ ماقساتىندا جۇڭگو يسلام قوعامىنىڭ زەرتتەپ بەكىتۋىمەن ەكسپورتقا شىعاتىن قۇس پەن مال ەتىنەن باسقا تاۋار تۇرلەرىنە كۋالاندىرۋ بەرىلمەيدى. بۇعان دەيىن جاسالعان بارلىق كۋالاندىرۋ كەلىسىمدەرى مەرزىمى اياقتاعاننان كەيىن كەلىسىم جاسالمايتىن بولادى»، دەلىنگەن ارنايى مالىمدەمەدە. وندا بيىلعى جىلدىڭ 17 اقپانى كورسەتىلگەن.

ايتا كەتەر بولساق، قىتايدا 20 ميلليوننان استام مۇسىلمان حالىقتار ءومىر سۇرەدى. ولار نەگىزىنەن تۇركى تەكتەس ەتنيكالىق قازاقتاردان، ەتنيكالىق ۇيعىرلاردان، ەتنيكالىق قىرعىزداردان جانە دۇنگەندەردەن قۇرالادى.