«وسكار» سىيلىعىنىڭ ۇيىمداستىرۋشىلارى «لا-لا-لەند»ء-تى جىل ءفيلمى رەتىندە قاتەلەسىپ ايتقانىنا كەشىرىم سۇرادى دەپ حابارلايدى lenta.ru. شىن مانىسىندە اتالمىش نوميناسيانى «لۋننىي سۆەت» ءفيلمى جەڭىپ العان.
«وسكار» سىيلىعىمەن ماراپاتتاۋ ءراسىمىنىڭ جۇرگىزۋشىسى دجيممي كيممەل قاتەلىگى ءۇشىن كەشىرىم سۇرادى.
باستاپقى كەزدە «وسكاردى» «لا-لا-لەند» ميۋزيكلى العانى حابارلانىپ، ءتۇسىرىلىم توبى ساحناعا شىعىپ، العىستارىن جاۋدىرىپ جاتقاندا، ۇيىمداستىرۋشىلاردىڭ ءبىرى ساحناعا شىعىپ، قاتەلىك بولعانىن ايتىپ، «لۋننىي سۆەت» ءفيلمىن «جىل كارتيناسى» نوميناسياسىندا جەڭىسكە جەتكەنىن حابارلادى. بىرنەشە مينۋت بويى ساحنادا تىنىشتىق ورنادى. ساحناداعىلار مۇنى ءازىل دەپ ويلادى. الايدا جۇرگىزۋشىنىڭ جەڭىمپازدى قاتەلەسىپ ايتقانى بەلگىلى بولدى.
