سەمەي قالاسىنداعى يادورلىق پوليگون سالدارىنان ەكى قولسىز دۇنيەگە كەلگەن قاراعاندىلىق سۋرەتشى كارىپبەك كۇيىكوۆ ءوزىنىڭ نوبەل سىيلىعىنا ۇسىنىلۋىن «نيەۆەدا-سەمەي» قوزعالىسىندا زارداپ شەككەن بارلىق ازاماتتاردىڭ ەڭبەگى دەپ باعالادى. اقپارات كازينفورم جاڭالىقتار قىزمەتىندە جاريالانعان.
«بۇل مەنىڭ ەڭبەگىم ەمەس. ءبىرىنشى كەزەكتە «نيەۆەدا-سەمەي» انتيادورلىق قوزعالىسى، «اتوم» جوباسى جانە وسى باعىتتىڭ باستاۋىندا تۇرعان ازاماتتاردىڭ قاجىرلى ەڭبەكتەرىنىڭ ارقاسى. سول ازاماتتاردىڭ كوبى قازا تاپتى»، - دەپ باعالادى سۋرەتشى.
كارىپبەك كۇيىكوۆ «اتوم» جوباسىنىڭ قۇرمەتتى ەلشىسى.
ەسكە سالا كەتەيىك، شوتلاندىق ساياساتكەر بيلل كيدد نوبەل سىيلىعىنا قازاقستان پرەزيدەنتى نۇرسۇلتان نازاربايەۆ پەن قاراعاندىلىق ايگىلى سۋرەتشى كارىپبەك كۇيىكوۆتى ۇسىنعان بولاتىن. قازاقستان پرەزيدەنتى ۇزاق جىلدار بويى يادرولىق قارۋسىزداندىرۋ سالاسىندا كوشباسشىلىق تانىتىپ كەلدى. سۋرەتشى كارىپبەك كۇيىكوۆ، وتىنىشتە كورسەتىلگەندەي، كەڭەستىك يادرولىق سىناقتان كەيىنگى قازاقستانداعى ءوزىنىڭ العاشقى جوباسىن العا سۇيرەدى.
«اتوم» - كۇيىكوۆ جۇرگىزىپ وتىرعان جوبا. جوبا يادورلىق قارۋدىڭ الەمگە تيگىزگەن زاردابى جونىندە حابارلايدى. كارىپبەك كۇيىكوۆ سول يادرولىق سىناقتىڭ كەسىرىنەن ەكى قولسىز دۇنيەگە كەلدى»، - دەپ جازىلعان وتىنىشتە.
